ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

سەرىك كۇدەبايەۆ - قاڭتار وقيعاسى بويىنشا كۇدىكتى

14 مامىر 2022 86
 



الماتى وبلىسى پوليسيا دەپارتامەنتىنىڭ بۇرىنعى باسشىسى سەرىك كۇدەبايەۆ قاڭتار وقيعاسى بويىنشا كۇدىكتى دەپ تانىلدى.

بۇل تۋرالى Tengrinews.kz حابارلايدى.
«قازىرگى ۋاقىتتا قىلمىستىق كودەكستىڭ 370-بابى 4-بولىگى 1-تارماعى «اۋىر زارداپتارعا الىپ كەلگەن قىزمەتتەگi ارەكەتسiزدiك» بويىنشا تىركەلىپ، سەرىك مىرزاقۇل ۇلى قۇدەبايەۆ كۇدىكتى دەپ تانىلعان وبلىستىق پد لاۋازىمدى تۇلعالارىنا قاتىستى قىلمىستىق ءىستى تەرگەۋ جالعاسىپ جاتقانىن حابارلايمىز» دەلىنگەن باس پروكۋراتۋرا حابارلاماسىندا.

ۆەدومستۆو مالىمەتىنشە، قىجك-نىڭ 201-بابىنا سايكەس سوتالدى تەرگەپ-تەكسەرۋ دەرەكتەرى جاريا ەتۋگە جاتپايدى، «سوعان بايلانىستى قويىلعان سۇراقتارعا تولىق جاۋاپ بەرۋ مۇمكىن ەمەس».

ەسكە سالايىق، الماتى وبلىسى پوليسيا دەپارتامەنتىن باسقارعان گەنەرال-مايور سەرىك كۇدەبايەۆ 18 اقپاندا قىزمەتىنەن بوساتىلعانى حابارلانعان بولاتىن.

ءساۋىردىڭ باسىندا الەۋمەتتىك جەلىلەردە كۇدەبايەۆتىڭ قاڭتار وقيعاسىنا قاتىستى قىلمىستىق ىسكە قاتىسى بار دەگەن اقپارات تاراعان بولاتىن. بۇعان باس پروكۋراتۋرانىڭ الماتى، جامبىل جانە قىزىلوردا وبلىستارىنىڭ ۇقك جانە پوليسيا دەپارتامەنتتەرى عيماراتى جانە الماتى اۋەجايىنىڭ قاراۋسىز قالۋىنا قاتىستى تەكسەرۋ جاريالاعانى تۋرالى مالىمدەمەسى سەبەپ بولعان. ۆەدومستۆو باسشىلارى كۇدىكتى دەپ تانىلعانى ايتىلدى.







دەرەككوز
بۇل ماقالا تۋرالى نە ويلايسىز؟