«كامەدا» قوعامدىق قورى ۇيىمداستىرعان شاراعا ب ا ق وكىلدەرى قاتىسىپ، ۇلتتىق ورتالىقتىڭ اتقارعان جۇمىستارىمەن تانىسىپ، ەلدەگى كوروناۆيرۋس ەپيدەميولوگياسىنان كەيىنگى تۋبەركۋلەز اۋرۋىنىڭ تارالۋى، الدىن الۋ شارالارى، ەمدەۋ ءىسى تۋرالى اقپاراتتارىمەن ءبولىستى.
[caption id="attachment_6341" align="alignleft" width="318"]
ق ر ۇلتتىق فتيزيوپۋلمونولوگيا عىلىمي ورتالىعىنىڭ مونيتورينگ، باعالاۋ، ەپيدەميولوگيا، ستاتيستيكا، اقپاراتتاندىرۋ دەپارتامەنتىنىڭ جەتەكشىسى پاناگۇل جازىقبايەۆا[/caption]
ق ر ۇلتتىق فتيزيوپۋلمونولوگيا عىلىمي ورتالىعىنىڭ مونيتورينگ، باعالاۋ، ەپيدەميولوگيا، ستاتيستيكا، اقپاراتتاندىرۋ دەپارتامەنتىنىڭ جەتەكشىسى پاناگۇل جازىقبايەۆا ايتۋىنشا حالىق ىشىندە تۋبەركۋلەز اۋرۋىنا قاتىستى تەرىس پىكىر قالىپتاسقان، كوپشىلىگى اۋرۋىن جاسىرادى.
«تۋبەركۋلەزگە قاتىستى اقپارات دۇرىس تارالماي جاتقان سياقتى. كوروناۆيرۋس پاندەمياسى بولعاندا ەشكىم اۋرۋىن جاسىرعان جوق، ەمدەلىپ شىققاندارىن اشىق ايتىپ ءجۇردى. تۋبەركۋلەز دە اۋا ارقىلى بەرىلەتىن جۇقپالى اۋرۋ. ودان ەمدەلىپ شىعۋعا بولادى. باسقا اۋرۋلارعا قاراعاندا ۇزاعىراق ەمدەلەدى، ءبىراق قۇلان تازا ايىعىپ شىعۋ ءۇشىن بارلىق دارىلەرى بار. حالىق اراسىندا تۋبەركۋلەزگە دەگەن كوزقاراستى وزگەرتۋدە اقپارات قۇرالدارىنىڭ ءرولى زور» دەيدى پ. جازىقبايەۆا.
دەپارتامەنت باسشىسىنىڭ ايتۋىنشا ەەلىمىزدە تۋبەركۋلەزگە شالدىققاندار تەگىن ەمدەلەدى جانە الەمدەگى وزىق دارى-دارمەكتىڭ بارلىعىن تۇتىنا الادى. ۇلتتىق فتيزيوپۋلمونولوگيا عىلىمي ورتالىعى 2014-2020 جىل ارالىعىندا تۋبەركۋلەزبەن كۇرەسۋ بويىنشا كەشەندى جوسپار ىسكە اسىرىلعان.
«بۇل جوسپار ۇكىمەتتىڭ قاۋلىسىمەن بەكىتىلگەن. بەس جىل ىشىندە وسى جوسپاردى كەشەندى تۇردە ىسكە اسىردىق. سونىڭ ناتيجەسىندە تۋبەركۋلەز بويىنشا ەپيدەميولوگيالىق جاعداي ەداۋىر جاقساردى. ءولىم كورسەتكىشى 4 ەسە تومەندەدى. ءقازىر ادامدار تۋبەركۋلەزدەن كوز جۇمباۋ كەرەك دەگەن باعىتتا جۇمىس ىستەپ جاتىرمىز. ويتكەنى الەمدە تۋبەركۋلەزدى انىقتايتىن دياگنوستيكا، ونى ەمدەيتىن وزىق ءدارىنىڭ بارلىعى بىزدە بار جانە ول ناۋقاستارعا تەگىن بەرىلەدى» دەدى ول.
جازىقبايەۆانىڭ ايتۋىنشا تۋبەركۋلەزگە كۇدىك تۋسا كەز كەلگەن مەديسينالىق ۇيىمنان تەكسەرىستەن ءوتىپ، ەكى ساعاتتىڭ انىقتاپ بەرەدى. تىپتەن ونىڭ قانداي كەزەڭدە ەكەنىن، دارىگە توزىمدىلىگىنە دەيىن بىردەن انىقتاۋعا بولادى ەكەن. سونىمەن قاتار رەسپۋبليكالىق بيۋدجەتتەن الەمدەگى مىقتى ءدارىنىڭ بارلىعىن الۋعا قارجى بولىنگەن. ناۋقاستىڭ قالتاسىنان ەشقانداي شىعىن شىقپايدى.
