نۇر-سۇلتان سوتى ەكس-پرەزيدەنت نۇرسۇلتان نازاربايەۆتىڭ نەمەرە ءىنىسى قايرات ساتىبالدىنىڭ بۇرىنعى ايەلى گۇلميرا ساتىبالدىنىڭ قاماۋعا الۋ مەرزىمىن ۇزارتتى.
بۇل تۋرالى ەلوردالىق سوتتىڭ باسپا ءسوز قىزمەتى حابارلادى.
«13 مامىردا نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى ساتىبالدا گ.-عا قاتىستى قاماۋعا الۋ تۇرىندەگى سانكسيالانعان بۇلتارتپاۋ شاراسىنىڭ مەرزىمىن 1 ايعا ۇزارتتى» دەپ حابارلايدى باسپا ءسوز قىزمەتى.
ەسكە سالايىق، 13 ناۋرىزدا قازاقستاننىڭ ەكس-پرەزيدەنتى نۇرسۇلتان نازاربايەۆتىڭ نەمەرە ءىنىسى قايرات ساتىبالدىنىڭ لاۋازىمدىق وكىلەتتىكتەرىن اسىرا پايدالانۋ جانە «قازاقتەلەكوم» اق قارجىسىن كەڭ اۋقىمدا جىمقىرۋ فاكتىلەرى بويىنشا الماتىدا ۇستالىپ، ۋاقىتشا ۇستاۋ يزولياتورىنا قاماۋعا الىنعانى بەلگىلى بولدى. ساتىبالدىنىڭ مەملەكەت قاۋىپسىزدىگىنە نۇقسان كەلتىرەتىن باسقا دا قىلمىستارعا قاتىستىلىعى دا ءقازىر تەكسەرىلىپ جاتىر. نازاربايەۆتىڭ نەمەرە ءىنىسىنۇستاۋدى ۇقك ارىستان ارنايى بولىمشەسىنىڭ قىزمەتكەرلەرى جۇرگىزگەن.
14 ناۋرىزدا «قازاقتەلەكوم» كەڭسەلەرىندە تىنتۋلەر جۇرگىزىلگەنى بەلگىلى بولدى. ءساۋىردىڭ 12ء-سى كۇنى «ساتىبالدانىڭ» فيرمالارىنا تيەسىلى «قازاقتەلەكوم» اكسيالارىنىڭ 30 پايىزعا جۋىعى مونوپولياسىزداندىرۋ جۇمىستارى اياسىندا مەملەكەت مەنشىگىنە قايتارىلعانى بەلگىلى بولدى.
13 مامىردا قايرات ساتىبالدى مەن ءماجىلىستىڭ ەكس-دەپۋتاتى داريعا نازاربايەۆانىڭ بۇرىنعى قۇداسى قايرات بورانبايەۆتىڭ قاماۋ مەرزىمى ۇزارتىلعانى بەلگىلى بولدى.
دەرەككوز
