"قاڭتار قىرعىنى" وپەراسياسىن باستان-اياق جۇزەگە اسىرعان قازاقستان پوليسياسى ەلدە جۇرگەن قىرعىزستان ازاماتتارىنا شۇيلىگۋىنىڭ سەبەبى، سولاردان "تەررورشى جاساۋعا" قۇلشىنا كىرىسۋىنىڭ سەبەبى ايقىندالا باستادى.
قاڭتار قىرعىنىن قازاقستاندا ەكسترەميستىك دەپ (2018 جىلى) تانىلعان «ياقىن ينكار» (ياقىن - قۇدايعا كوزسىز، ەسسىز، دالەلسىز سەنۋ، ياعني قۇدايعا كوزسىز سەنۋگە ىڭكار بولۋ) ۇيىمىنا ءىلىپ جىبەرمەك. بارىنە كىنالى سولار بولىپ شىعادى.
«تابليعي جاماعات» اتتى ۇيىم بار. ولاردىڭ الىپ بارا جاتقان قاق-سوعى جوق، بەيبىت داعۋات ايتىپ جۇرەدى. ءبىراق قازاقستاندا ەكسترەميستىك دەپ تانىلعان. بۇلاردىڭ ورتالىعى - ءۇندىستان مەن پاكىستاندا. بەيبىت داعۋاتشىلار قىرعىزستاندا دا ەمىن-ەركىن قاپتاپ جۇرەدى.
ال «ياقىن ينكار» سول ۇيىمنىڭ سوعىسقۇمار جاۋىنگەرلىك قاناتى دەپ ايتىلادى. ولار اۋعانستاندا تالىپتەرمەن تىزە قوسىپ ارەكەت ەتىپ ءجۇر. بۇل ەكى سوپىلىق ۇيىمدى تۇركيادان شىققان "بوزعۇرتتارمەن" (بوز- سۇر، قۇرت- قاسقىر) سالىستىرۋعا بولادى. "بوزعۇرتتاردىڭ" ۇلتشىل (پانتۇركىشىل) قاناتىنىڭ مۇشەلەرىنە ناماز وقىسا دا، وقىماسا دا بولادى - "تۇران وداعى" يدەياسىن بارىنەن جوعارى قويادى. ال "بوزعۇرتتاردىڭ" سوعىسقۇمار جاۋىنگەر قاناتىندا بەس ۋاق ناماز مىندەت. "قاراباقتى" ازات ەتۋگە قاتىسقان سولار. "قاڭتار قىرعىنىنا" بايلانىستى ۇستالعان "جابايى ارمان" "بوزعۇرتتاردىڭ" وسى جاۋىنگەرلىك قاناتىمەن امپەي-جامپەي بوپ جۇرگەن. ونىڭ ۇستىنە بالعىنبەك يماشيەۆ، بەكبولات تىلەۋحان، ت.رىسقۇلبەكوۆ، م.تازابەك سەكىلدى سالافيلىك كوزقاراستاعى كىسىلەرمەن ىشكى باۋى بايلاسىپ جاتقانىن بىلەمىز. نامازحان "جابايى ارماننىڭ" "ەكى قايىققا" قاتار ءمىنىپ الۋىنىڭ سەبەبى وسىندا.
راس، "داعۋاتشىلاردىڭ"، "ىڭكارشىلەردىڭ" "بوزعۇرتتارمەن" مازحابى (حانافي)، اقيداسى (ماترۋدي) بىردەي. ال سالافيلەردىكى مۇلدەم بولەك. بۇل جەردە دەسترۋكتيۆتى ۇيىمداردىڭ ارتقى قۋىسىنا كىمنىڭ، قايسى ەلدىڭ جەل ۇرلەپ وتىرعانى دا ماڭىزدى. ەگەر "قاڭتار قىرعىنىندا" تۇركيادان "ىسساپارمەن" الماتىعا جىبەرىلگەن "جابايى ارماننىڭ" ارانداتۋشىلىق ءرولى ەرەكشە دەسەك، وندا مىناۋ قان قاساپتىڭ كۇناسىن قىرعىزستانداعى "داعۋاتشىلار" مەن اۋعانستانداعى "ىڭكارشىلەردىڭ" موينىنا قالاي ىلمەمىز؟ بۇعان اۋعانستاندى بيلەپ-توستەپ وتىرعان "ءتالىپ" ۇكىمەتى نە دەيدى؟ تالىپتەردىڭ دە مازحابى - حانافي، اقيداسى ماترۋدي عوي.
وراز الىمبەك، فەيسبۋك پاراقشاسىنان
