ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

رەسەيدىڭ الماتىداعى كونسۋلدىعى الدىندا بەلسەندىلەر نارازىلىق وتكىزدى

24 اقپان 2022 102
[ad_1]



24 اقپاندا تۇستە Oyan، Qazaqstan قوزعالىسى وكىلدەرى رەسەيدىڭ الماتىداعى كونسۋلدىعى الدىندا نارازىلىق وتكىزىپ، رەسەيدىڭ ۋكرايناعا قاتىستى ارەكەتىن ايىپتادى.

– ءبىز تۇبەگەيلى تۇردە سوعىسقا قارسىمىز. رەسەي ۋكرايناعا سوعىس اشتى، سۋۆەرەندى مەملەكەتكە شابۋىل جاسادى. ءبىز مۇنداي ارەكەتتى قولدامايمىز. ۋكراينامەن بىرگە ەكەنىمىزدى بىلدىرگىمىز كەلەدى. قازاقستاندا ولاردى تۇسىنەتىن، قولدايتىن ادامدار بار ەكەنىن، جالعىز ەمەس ەكەنىن جەتكىزگىمىز كەلەدى. سول سەبەپتى نارازىلىق ءبىلدىرۋ ءۇشىن رەسەي كونسۋلدىعىنا كەلدىك، – دەدى بەلسەندى دارحان ءشارىپوۆ.

ازاتتىق وقيعا ورنىنان تىكەلەي ەفيردە حابار تاراتتى:

جينالعاندار "سلاۆا ۋكراينە!" (ۋكراينا جاساسىن!) دەپ ايقايلادى. ولاردىڭ قولىندا ۋكراينا تۋى مەن "ۋكراينادان قولىڭدى تارت! سوعىس بولماسىن!" دەگەن اعىلشىنشا جانە ۋكراين تىلىندە جازىلعان پلاكاتتار بولدى.

– ۋكراينانى قولداۋ ءۇشىن وسى جەرگە كەلدىم. تاڭەرتەڭگى اقپاراتتاردىڭ بارلىعى مەنى دە اشۋلاندىردى. سەبەبى بارلىعىمىز ءۇشىنشى دۇنيەجۇزىلىك سوعىسقا كۋا بولىپ وتىرمىز. بۇعان قوسا، بۇل جاعداي بىزدەگى قاڭتار وقيعاسىنا دا ۇقساس، – دەدى ءامينا ەسىمدى بەلسەندى.

وقيعانى پوليسيا سىرتتاي باقىلاپ تۇردى.

  • 24 اقپاندا رەسەي باسشىسى ۆلاديمير پۋتين رەسەيلىك مەملەكەتتىك تەلەارنالاردان مالىمدەمە جاساپ، دونباستا "ارنايى وپەراسيا" باستايتىنىن حابارلاعان. بۇدان سوڭ ۋكراينانىڭ ءبىرقاتار قالالارى مەن وبلىستارىندا جارىلىس بولعانى، وق اتىلعانى جايلى اقپارات ۇدەگەن. كۋاگەرلەردىڭ ايتۋىنشا، دونباستىڭ وزىندە رەسەيشىل سەپاراتيستەر تارابىنان اتقىلاۋ كۇشەيگەن، ۋكراينانىڭ بارلىق-دەرلىك اۋماعىندا اسكەري نىساندار شابۋىلعا ۇشىراعان.

  • ناتو باس حاتشىسى يەنس ستولتەنبەرگ رەسەيدىڭ ۋكرايناعا قاتىستى ارەكەتىن ايىپتادى. ۋكراينا باسشىسى ۆلاديمير زەلەنسكيي حالىققا ۇندەۋ جاساپ، ۇرەيلەنبەۋگە شاقىردى. ەلدە اسكەري جاعداي جاريالاندى. بۇۇ باس حاتشىسى انتونيۋ گۋتەرريش ماسكەۋدى "ادامزات ءۇشىن اسكەرىن ۋكراينادان اكەتۋگە" ۇندەدى.




[ad_2]

دەرەككوز
بۇل ماقالا تۋرالى نە ويلايسىز؟