ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

رەسەي بىزدەن كومەك سۇراعان جوق

24 اقپان 2022 116
[ad_1]



سەنات سپيكەرى ماۋلەن اشىمبايەۆ رەسەي قازاقستاننان اسكەري كومەك سۇرامادى دەپ مالىمدەدى. 24 اقپاندا اقپارات قۇرالدارى سپيكەردەن رەسەي كومەك سۇراسا، قازاقستان ۋكرايناعا اسكەرىن جىبەرە مە دەپ سۇراعان.

– ەكى جاقتى فورمات اياسىندا رەسەي بىزگە قايىرىلعان جوق جانە قايىرىلمايدى دەپ تە ويلايمىن، – دەدى سەنات ءتوراعاسى.

سپيكەر سونىمەن بىرگە قازاقستاندىق بىتىمگەر اسكەردى قاقتىعىس ايماعىنا جىبەرۋ ىقتيمالدىعى تۋرالى سۇراققا جاۋاپ بەردى.

— بۇل تۇرعىدا ءبىزدىڭ ۇستانىمىمىز ايقىن: قازاقستان بۇۇ مانداتىنا ساي ءوز بىتىمگەر اسكەرىن ۇقشۇ ايماعىنان تىس جەرگە جىبەرە الادى. ال ۇقشۇ-نىڭ بىتىمگەر كۇشتەرى ۇيىمعا مۇشە ەلدەردىڭ اۋماعىندا عانا پايدالانىلا الادى. قاقتىعىس ايماعى (ۋكراينا - رەد.) ۇيىمعا مۇشە ەلدەردىڭ تەرريتورياسىنا كىرمەيدى، – دەدى سەنات سپيكەرى.

اشىمبايەۆ سونىمەن بىرگە "ەگەر بۇۇ دەڭگەيىندە شەشىم قابىلدانىپ، وزگە ەلدەر ونى قولداسا، بۇۇ مانداتىنا سايكەس قازاقستان بىتىمگەر اسكەرىن الەمنىڭ كەز كەلگەن جەرىنە جىبەرە الادى" دەدى.

ۋكرايناداعى جاعدايعا توقتالعان سەنات سپيكەرى:

– مەنىڭ ويىمشا، بۇل وتە كۇردەلى قاقتىعىس. ءبىز اسكەري تەكەتىرەس، سانكسيالار سوعىسىنا كۋا بولىپ وتىرمىز، – دەدى ول.

ول بۇعان قوسا، "داعدارىستى ديپلوماتيالىق جولمەن شەشۋگە ءالى دە بولسا مۇمكىندىك" بار دەپ قازاقستان "قاقتىعىستىڭ بەيبىت جولمەن شەشىلۋىنە مۇددەلى" دەدى.

ونىڭ ويىنشا، "تاراپتاردىڭ مۇددەسىن ەسكەرەتىن كەلىسسوزدەر" جۇرگىزىلۋى ءتيىس. سەنات سپيكەرىنىڭ پىكىرىنشە، اتالعان كەلىسسوزدەردى بۇۇ جارعىسى اياسىندا وتكىزۋ تيىمدىرەك.

  • 24 اقپاندا تاڭەرتەڭ رەسەي پرەزيدەنتى ۆلاديمير پۋتين ۋكراينانى "دەميليتاريزاسيالاۋ" ماقساتىندا دونباستا "اسكەري وپەراسيا" باستالعانىن حابارلاعان. ءپۋتيننىڭ سوزىنەن كەيىن حاركوۆ، كييەۆ، كراماتورسك قالالارىندا جارىلىس (بۇل قالالار دونباسقا كىرمەيدى) بولعانى جايلى حابار تارادى. ودان بولەك، دونباستا سەپاراتيستەردىڭ اتقىلاۋى كۇشەيدى.

  • جۋىردا "لۋگانسك حالىق رەسپۋبليكاسى" (Kحر) مەن "دونەسك حالىق رەسپۋبليكاسىنىڭ" (دحر) جەتەكشىلەرى رەسەي باسشىسىنان "ۋكراينا قارۋلى كۇشتەرىنىڭ اگرەسسياسىنان قورعاۋدى" سۇرادى دەگەن اقپارات تاراعان. ونىڭ الدىندا ەكى كۇن بۇرىن پۋتين ۋكراينا شىعىسىندا وزدەرىن رەسپۋبليكا جاريالاپ العان "لحر مەن دحر"-دىڭ "تاۋەلسىزدىگىن" مويىنداپ، كييەۆ "مينسك كەلىسىم-شارتىن" ورىنداۋدان باس تارتتى دەپ مالىمدەگەن. بۇدان سوڭ فەدەراسيا كەڭەسى ايماقتا قارۋلى كۇشتەردى پايدالانۋعا رۇقسات بەرگەن.

  • 24 اقپاندا ۋكراينا پرەزيدەنتى ۆلاديمير زەلەنسكيي ۋكراينانىڭ تۇتاس ايماعىندا اسكەري جاعداي جاريالادى. اقش پرەزيدەنتى دجو بايدەن "وسى شابۋىلدىڭ سالدارىنان بولاتىن كىسى قازاسى مەن قيراۋعا رەسەيدىڭ ءبىر ءوزى جاۋاپتى بولادى. امەريكا قۇراما شتاتتارى مەن ونىڭ وداقتاستارى بىرىگە وتىرىپ، تاباندى جاۋاپ قايتارادى. الەم رەسەيدى جاۋاپتى ەتەدى" دەپ مالىمدەدى. ناتو باس حاتشىسى ۋكرايناعا شابۋىلدى ايىپتاپ، رەسەيدى "اسكەري وپەراسيالاردى توقتاتىپ، ۋكراينانىڭ ەگەمەندىگى مەن تەرريتوريالىق تۇتاستىعىن قۇرمەتتەۋگە" شاقىردى.






[ad_2]

دەرەككوز
بۇل ماقالا تۋرالى نە ويلايسىز؟