ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

رەسەي ازاتتىق راديوسى قازاق، وزبەك جانە تۇرىكمەن رەداكسيالارىنىڭ ورىس تىلىندەگى سايتتارىن بۇعاتتادى

28 ناۋرىز 2022 152
[ad_1]



رەسەي ازاتتىق راديوسىنىڭ قازاق، وزبەك، تۇرىكمەن سايتتارىنىڭ ورىس تىلىندەگى نۇسقالارىن بۇعاتتادى.

رەسەيدىڭ تاۋەلسىز "مەديازونا" سايتى ونلاين-رەسۋرستاردىڭ بۇعاتتالعانىن باقىلايتىن "روسكومسوبودا" ۇيىمىنا سىلتەي وتىرىپ، ازات ەۋروپا/ازاتتىق راديوسىنىڭ قازاق رەداكسياسى (rus.azattyq.org)، وزبەك رەداكسياسى (rus.ozodlik.org) جانە تۇرىكمەن رەداكسياسى (rus.azathabar.com) سايتتارىنىڭ ورىس تىلىندەگى نۇسقالارىن رەسەي باس پروكۋراتۋراسىنىڭ 26 ناۋرىزداعى تالابى بويىنشا بۇعاتتاعانىن حابارلادى.

ازات ەۋروپا/ ازاتتىق راديوسى مەدياكورپوراسياسىنىڭ پرەزيدەنتى دجەيمي فلاي بۇل ارەكەتتى ايىپتادى.

"ازات ەۋروپا/ازاتتىق راديوسى ورتالىق ازيا رەداكسيالارىنىڭ ورىس تىلىندەگى سايتتارى ورتالىق ازيانىڭ ورىس تىلىندە سويلەيتىن حالقى مەن رەسەيدە جۇمىس ىستەيتىن نەمەسە سوندا تۇراتىن ازاماتتارىنا جاڭالىقتار مەن اقپاراتتار ۇسىنۋدا ماڭىزدى ءرول اتقارادى. ەندى ولار كرەملدىڭ سەنزۋراسىنا بايلانىستى ۋكرايناداعى سوعىس جايلى تاۋەلسىز اقپارات كوزىنەن ايىرىلىپ وتىر. ءبىز اقپارات كونتەنتىمىزدى سەنزۋراعا سالمايمىز، ازاتتىق سويلەيتىن الەمنىڭ 27 تىلىندە شىندىقتى ايتا بەرەمىز"، - دەدى دجەيمي فلاي.

17 ناۋرىزدا روسكومنادزور رەسەيدەگى "مەديازونا. سەنترالنايا ازيا" سايتىن شەكتەگەن ەدى، ودان بۇرىن ۋكرايناداعى سوعىستى كورسەتكەنى ءۇشىن رەسەي "مەديازوناسىن" بۇعاتتاپ تاستاعان.

ۋكرايناعا باسقىنشىلىق باستاعالى رەسەي تاۋەلسىز باق-تاردى بۇعاتتاۋعا كىرىسكەن. 4 ناۋرىزدا ازاتتىقتىڭ رەسەيدەگى ورىس رەداكسياسىنىڭ سايتى اشىلماي قالعان، وعان دەيىن روسكومنادزوردان "سايتتىڭ بۇعاتتالاتىنى" جونىندە بىرنەشە حابار العان.

جۋرناليستەرگە قىسىم كوبەيگەن سوڭ جانە رەسەي پرەزيدەنتى ۆلاديمير پۋتين "رەسەي اسكەرى تۋرالى جالعان اقپارات تاراتقانى ءۇشىن 15 جىلعا دەيىن باس بوستاندىعىنان ايىرۋ تۋرالى" زاڭعا قول قويعاننان كەيىن ازاتتىق راديوسى رەسەيدەگى جۇمىسىن توقتاتىپ، سىرتتان حابار تاراتۋعا كوشكەن.

ناۋرىزدىڭ باسىندا "رەسەي اسكەرىنىڭ ۋكرايناعا باسىپ كىرگەنى تۋرالى" اقپاراتتى الىپ تاستاۋ جونىندە روسكومنادزور تالابىنا مويىنسۇنباۋىنا بايلانىستى ازات ەۋروپا/ازاتتىق راديوسىنىڭ ورىس تىلىندەگى توعىز جوباسىنىڭ سايتى بۇعاتتالعان ەدى. ونىڭ ىشىندە "كرىم.رەاليي" (ازاتتىقتىڭ قىرىم رەداكسياسى) مەن "ناستوياششەە ۆرەميا" دا بار.

ول كەزدە ازات ەۋروپا/ازاتتىق راديوسى مەدياكورپوراسياسىنىڭ پرەزيدەنتى دجەيمي فلاي روسكومنادزور تالاپتارىن ورىنداي المايتىنىن مالىمدەپ، "كرەملدىڭ رەداكسياسى شەشىمىنە ارالاسقانىنا كونە المايمىز" دەگەن بولاتىن.

ۋكراينادا سوعىس باستالعالى "مەدۋزا"، بي-بي-سي، "امەريكا داۋىسى"، Deutsche Welle سەكىلدى ءىرى مەدياۇيىمداردىڭ سايتتارى رەسەيدە بۇعاتتالعان.



[ad_2]

دەرەككوز
بۇل ماقالا تۋرالى نە ويلايسىز؟