ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ەرتىسبايەۆ قازاقستان حالىق پارتياسىنىڭ باسشىلىعىنا كەلدى

28 ناۋرىز 2022 121
 



قازاقستان حالىق پارتياسىنىڭ كەزەكتەن تىس 19-سەزىندە قحپ ءتوراعاسى بولىپ ەرمۇحامەت ەرتىسبايەۆ سايلاندى. بۇرىنعى كوشباسشى، قحپ پارلامەنتتىك فراكسياسىنىڭ جەتەكشىسى، ءماجىلىس دەپۋتاتى ايقىن قوڭىروۆ ءتوراعانىڭ ءبىرىنشى ورىنباسارى بولدى.

ايقىن قوڭىروۆ ءوز سوزىندە ءقازىر ەلىمىزدىڭ جاڭا فورماسياعا ءوتۋدىڭ كۇردەلى كەزەڭىن باستان وتكەرىپ جاتقانىن اتاپ ءوتتى. مەملەكەت باسشىسى قاسىم-جومارت توقايەۆتىڭ رەفورمالارى قوعامدى دەموكراتيالاندىرۋعا جانە بيلىك تارماقتارىن تەڭەستىرۋگە باعىتتالعان. بۇل ۇدەرىستە ساياسي پارتيالار ماڭىزدى ءرول اتقارادى.
«ءبىزدىڭ پارتيانىڭ ادىلەتتى دەموكراتيالىق مەملەكەت يدەياسى جان-جاقتى دامۋدى تالاپ ەتەدى. پارتيانىڭ ترانسفورماسياسى جالعاسۋدا جانە بۇل پروسەسس ۇزدىكسىز بولۋى كەرەك. ءبىزدىڭ الدىمىزدا پارتيالىق باسشىلىقتى پارتيالىق قۇرىلىمداردا، مەملەكەتتىك قىزمەتتە، وكىلدى ورگانداردا، ازاماتتىق سەكتوردا تاجىريبەسى بار جاڭا ادامدارمەن كوبەيتۋ ماسەلەسى تۇر» دەدى ايقىن قوڭىروۆ.

سەزدە قحپ ءتوراعاسى لاۋازىمىنا ەرمۇحامەت ەرتىسبايەۆتىڭ كانديداتۋراسى ۇسىنىلدى.

كانديدات ءبىراۋىزدان ماقۇلداندى.

ەرمۇحامەت ەرتىسبايەۆ پارتيا مۇشەلەرىنە سەنىم بىلدىرگەندەرى ءۇشىن العىس ايتىپ، وسى سەنىمدى تولىق اقتاۋ ءۇشىن ءوزىنىڭ كۇشىن، ءبىلىمىن جانە ساياسي تاجىريبەسىن جۇمساۋعا ۋادە بەردى.
«قازاقستان حالقى پارتياسى – سولشىل ورتالىق پارتيا. مەن ءۇشىن بۇل تۇبەگەيلى ماڭىزدى. مەن ءومىر بويى سوسياليست بولدىم» دەدى ەرمۇحامەت ەرتىسبايەۆ.

جاڭا ءتوراعا ءقازىر قازاقستاندىقتاردىڭ قحپ دەگەن سەنىمى ايتارلىقتاي ارتىپ كەلە جاتقانىن اتاپ ءوتتى.

ەرتىسبايەۆ دەگەن كىم؟


ەرمۇحامەت ەرتىسبايەۆ 1956 جىلى 19 قاراشادا قاراعاندىدا دۇنيەگە كەلگەن.

ەڭبەك ءوتىلى:

  • جەزقازعان پەداگوگيكالىق ينستيتۋتىندا اسسيستەنت (08.1978 – 11.1978)؛

  • كومسومول كوميتەتىنىڭ حاتشىسى، قاراعاندى ​​كووپەراتيۆتىك ينستيتۋتىنىڭ وقىتۋشىسى (06.1980 – 11.1982)؛

  • لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ ستاجەر-وقىتۋشى، اسپيرانتى (11.1982 – 07.1986)؛

  • قاراعاندى ​​كووپەراتيۆتىك ينستيتۋتىنىڭ وقىتۋشىسى (07.1986 – 07.1987)؛

  • قاراعاندى ​​مەديسينا ينستيتۋتىنىڭ ساياسي تاريح كافەدراسىنىڭ مەڭگەرۋشىسى (07.1987 – 11.1992)؛

  • ق ر پرەزيدەنتىنىڭ كەڭەسشىسى (03.1995 – 04.1998)؛

  • ق ر پرەزيدەنتىنىڭ جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى (04.1998 – 05.2000)؛

  • ق ر پرەزيدەنتى اكىمشىلىگىنىڭ قوعامدىق-ساياسي ءبولىمىنىڭ مەڭگەرۋشىسى (05.2000 – 02.2002)؛

  • ق ر پرەزيدەنتىنىڭ كەڭەسشىسى (02.2002 – 18.01.2006)؛

  • ق ر مادەنيەت، اقپارات جانە سپورت ءمينيسترى (18.01.2006 – 28.03.2006)؛

  • ق ر مادەنيەت جانە اقپارات ءمينيسترى (2006 ج. 28 ناۋرىز – 2008 ج. 12 مامىر)؛

  • ق ر پرەزيدەنتىنىڭ كەڭەسشىسى (12.05.2008 – 03.2013)؛

  • ق ر گرۋزياداعى توتەنشە جانە وكىلەتتى ەلشىسى (04.2013 – 11.2017)؛

  • ق ر بەلارۋس رەسپۋبليكاسىنداعى توتەنشە جانە وكىلەتتى ەلشىسى، ءبىر مەزگىلدە تمد-نىڭ جارعىلىق ورگاندارى جانىنداعى تۇراقتى وكىلى (11.2017 – 08.2019).






دەرەككوز
بۇل ماقالا تۋرالى نە ويلايسىز؟