قىتايمەن شەكارادا «نۇر جولى» كەدەن بەكەتىنىڭ ءبىرقاتار شەنەۋنىكتەرىنىڭ قىلمىستىق ارەكەتتەرىنىڭ جولى كەسىلدى، دەپ حابارلادى سىبايلاس جەمقورلىققا قارسى قىزمەت.
«2022 جىلدىڭ 28 اقپانىندا الماتى وبلىسى بويىنشا سىبايلاس جەمقورلىققا قارسى ءىس-قيمىل قىزمەتى باس پروكۋراتۋرانىڭ قىتايمەن شەكاراداعى ىشكى تەرگەۋ دەپارتامەنتىمەن بىرلەسىپ، «نۇر جولى» كەدەن بەكەتىندە ءبىرقاتار لاۋازىمدى تۇلعالاردىڭ قىلمىستىق ارەكەتتەرىن توقتاتتى» دەدى جەمقورلىققا قارسى قىزمەت.
جۇرگىزىلىپ جاتقان تەكسەرۋ بويىنشا سۇراقتاردى وڭ شەشۋ ءۇشىن قىلمىستىق ارەكەتكە ەلىكتەگەن قاداعالاۋ ورگانىنىڭ قىزمەتكەرىنە 50 000 اقش دوللارى كولەمىندە پارا بەرۋ فاكتىسى قۇجاتتالعانى حابارلاندى.
ءتىپتى، «نۇر جولى» كەدەن بەكەتىنىڭ باسشىسى مەن ونىڭ ورىنباسارى ۇستالدى.
بۇل رەتتە ينسپەكتورلارعا ءىرى كولەمدەگى كونتراباندانى جاسىرعانى ءۇشىن 30 000 اقش دوللارى كولەمىندە پارا بەرگەن ۋاكىلەتتى ەكونوميكالىق وپەراتورلاردىڭ ءبىرىنىڭ وكىلى ۇستالدى.
سوتقا دەيىنگى تەرگەۋ جالعاسۋدا. تەرگەۋ مۇددەسىن كوزدەيتىن باسقا اقپارات جاريا ەتىلمەيدى.
دەرەككوز
