ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ازاماتتاردىڭ باسىم بولىگى وزبەكستان قازاقستانعا جاقىن ماڭعا اەس سالاتىنىن بىلمەيدى

01 ناۋرىز 2022 114
[ad_1]



وزبەكستان قازاقستان شەكاراسىنا جاقىن ماڭعا اتوم ەلەكتر ستانسياسىن سالادى دەگەن اقپاراتتى ەستىگەننەن كەيىن قازاقستاندىقتار اراسىندا ينتەرنەت-ساۋالناما جۇرگىزگەن"قاراعاندى وبلىستىق ەكولوگيا مۋزەيى" قوعامدىق بىرلەستىگىنىڭ تاۋەلسىز ەكولوگتارى ساۋالناما قورىتىندىسىن جاريالادى. بۇل جونىندە 28 اقپاندا ازاتتىققا ەكولوگ دميتريي كالمىكوۆ حابارلادى. ەكولوگ بۇرىن چەرنوبىل اپاتىنىڭ سالدارىن جويۋعا قاتىسقان، سەمەي يادرولىق پوليگونى رادياسياسىنا بايلانىستى زەرتتەۋلەر جۇرگىزگەن.


ساۋالناما بارىسىندا ازاماتتارعا 11 سۇراق قويىلعان. باسىندا ساۋالناماعا كوپ ادام قاتىساتىنى جايلى بولجام بولعان. الايدا وعان الەۋمەتتىك ستاتۋسى ءار ءتۇرلى 18-75 جاس ارالىعىنداعى جۇزدەگەن ادام عانا قاتىسقان.


ينتەرنەت-ساۋالناما قورىتىندىسى بويىنشا، كوپتەگەن ازامات وزبەكستان قازاقستان شەكاراسى ماڭىنا (شامامەن 50 شاقىرىم) اەس سالۋدى جوسپارلاپ وتىرعانىن بىلمەيدى. مۇنى ەكوبەلسەندىلەر دە ايتادى. ولاردىڭ ايتۋىنشا، رەسمي مالىمەت بولماعاندىقتان قازاقستاندىقتار اراسىندا تۇسىندىرمە جۇمىستارىن ەشكىم جۇرگىزبەگەن. ءقازىر دە ول تۋرالى اقپارات از. ال ستانسيا سالىناتىنىن بىلەتىن از توپ رەسمي اقپاراتتى نەگىزىنەن الەۋمەتتىك جەلىدەن بىلگەنى، تەك كەيبىرى عانا رەسمي اقپاراتتان ەستىگەنىن ايتقان.


ساۋالناماعا قاتىسقانداردىڭ باسىم بولىگى ياعني، 90 پايىزى اەس سالۋعا قارسى شىققان. قالعان ون پايىزى جوبانى قولداعان. سۇراققا جاۋاپ بەرگەندەردىڭ 90 پايىزدان استامى وزبەكستان اەس قاۋىپسىزدىگىنە كەپىلدىك بەرە المايدى دەپ سانايدى. ينتەرنەت-ساۋالناماعا قاتىسقانداردىڭ باسىم بولىگى بۇل بويىنشا جالپىحالىقتىق رەفەرەندۋم ءوتۋى ءتيىس دەپ ەسەپتەيدى. سۇرالعانداردىڭ 11 پايىزى اەس جوباسىن قولدايتىنىن ايتقان.


ساۋالناماعا قاتىسقانداردىڭ جارتىسىنان استامى وزبەكستانداعى اەس-تەن ەش پايدا جوعىن ايتقان. وزبەكستاندا اەس سالۋ كەزىندە قازاقستان حالقىنىڭ پىكىرى ەسكەرىلۋى ءتيىس پە دەگەن سۇراققا كوبى "ءيا" دەپ جاۋاپ بەرگەن. "قاجەت جوق" دەپ جاۋاپ بەرگەندەر دە بار. جينالعانداردىڭ 18 پايىزى ەلدە اتوم ەنەرگەتيكاسىن دامىتۋ قاجەت دەگەن. ال 62 پايىزى اتوم ەنەرگەتيكاسىن دامىتۋ كەرەك جوق دەپ سانايدى.


بۇعان دەيىن اتالعان ۇيىم وكىلدەرى وسىنداي ساۋالنامانى وفلاين دا وتكىزگەن. بەلسەندىلەر قازاقستاننىڭ وڭتۇستىگىندەگى بىرنەشە ەلدى مەكەن: شىمكەنت قالاسى، تۇركىستان وبلىسىنىڭ ءتورت اۋدانى: جەتىساي، ماقتاارال، سارىاعاش، شاردارا اۋداندارىن ارالاعان. وزبەكستان شەكاراسىنا جاقىن جەردە تۇراتىن تۇرعىندار ساۋالناماعا وتە بەلسەندى قاتىسقان. ساۋالناماعا قاتىسقانداردىڭ 70 پايىزعا جۋىعى جاقىن ماڭدا وزبەكستان اەس سالاتىنىن بىلمەگەن. باسىم بولىگى (90 پايىز) اەس سالۋ يدەياسىن قولدامايدى، 92 پايىزى ماسەلە قازاقستانمەن تالقىلانۋى ءتيىس دەپ ەسەپتەيدى.


ەكولوگتار وفلاين جانە ونلاين ساۋالنامانىڭ جالپى قورىتىندىسىن ۇكىمەت پەن پرەزيدەنت اكىمشىلىگىنە جىبەرۋدى جوسپارلاپ وتىر.


  • كەيىنگى كەزدە قازاقستاندا دا بيلىك اەس ماسەلەسىن ءجيى ايتا باستاعان. اقپاندا پرەزيدەنت قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا قازاقستان "اتوم ەلەكتر ەنەرگياسىنا" ءزارۋ دەگەن. بىلتىر قىركۇيەكتە ايماقارالىق ىنتاماقتاستىق فورۋمى كەزىندە رەسەي پرەزيدەنتى ۆلاديمير پۋتين "قازاقستان اەس سالۋدى ۇيعارسا، رەسەي كومەكتەسۋگە دايار" دەپ مالىمدەگەن. ول ستانسيا عانا ەمەس، تۇتاس اتوم سالاسىن دامىتۋ جونىندە ۇسىنىس ايتقان. اەس قاجەتتىگىن ءجيى العا تارتىپ جۇرگەن بيلىك حالىق پىكىرىن ەسكەرەتىنىن، حالىق اراسىندا "ءتۇسىندىرۋ جۇمىستارىن" جۇرگىزەتىنىن ايتقان.

  • حالىقارالىق ەنەرگەتيكا سالاسىنىڭ ساراپشىلارى جانە ءبىرقاتار جەرگىلىكتى ماماندار اەس جوباسىن "قاۋىپسىزدىگىنە كەپىلدىك جوق، تىم قىمبات" جانە عالامدىق جىلىنۋمەن كۇرەستە "ءتيىمسىز قۇرال" دەپ اتاعان.







[ad_2]

دەرەككوز
بۇل ماقالا تۋرالى نە ويلايسىز؟