ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

سكليار: قاتە جاساسام، ەل الدىندا جاۋاپ بەرەمىن!

02 ناۋرىز 2022 94
تاياۋدا ق ر پرەمەر-مينيسترىنىڭ ءبىرىنشى ورىنباسارى رومان سكليار مەملەكەتتىك تەلەارناعا سۇحبات بەرىپ، ۋتيليزاسيالىق الىم قۇنى 50 پايىزعا تومەندەتىلگەنىن مالىمدەگەن بولاتىن. سونىمەن ماسەلە شەشىلگەندەي بولعان. 

الايدا بەلسەندىلەر ۋتيلالىم مولشەرى ءالى دە تومەندەۋى ءتيىس دەپ سانايدى. وعان قوسا ۆيسە-پرەمەر رومان سكلياردىڭ «وتستاۆكاعا» كەتۋىن تالاپ ەتكەن پەتيسيا دا جاريالاندى. پەتيسياعا قول قويۋشى ازاماتتار:

«ۋتيليزاسيالىق الىمنىڭ كەسىرىنەن ازىق-تۇلىك باعاسىنىڭ قىمباتتاۋىنا ءارى حالىقتىڭ نارازىلىعىنا قاراماستان ۆيسە-پرەمەر رومان سكليار اۋىلشارۋاشىلىق تەحنيكاسىنا سالىناتىن سالىقتى الىپ تاستاۋعا ۇزىلدى-كەسىلدى قارسى. رومان سكليارعا حالىقتىڭ مۇددەسىنەن گورى بىرنەشە كومپانيانىڭ مۇددەسى ماڭىزدى بولىپ تۇر. بۇلاي بولمايدى»، - دەپ جازدى.

بۇگىن ۋتيلالىم ماسەلەسىنە بايلانىستى قوعام سىنىنا ۇشىراعان پرەمەر-مينيستردىڭ ءبىرىنشى ورىنباسارى رومان سكليار وزىنە قاتىستى سىن مەن «وستاۆكاسى» جونىندە پىكىر ءبىلدىرىپتى. «ەگەر مەن قاتەلىك جىبەرسەم، ەلدىڭ الدىندا جاۋاپ بەرەمىن!»، - دەيدى ۆيسە-پرەمەر-مينيستر.

«حالىقتىڭ الدىندا اشىق جۇمىس ىستەپ جاتىرمىن. ەگەر قاتە جاساسام، جاۋاپ بەرەمىن. ءبىراق، بۇگىندە ءبىز نە ونەراكاسىبى بار، نە ونەركاسىبى جوق ەل بولامىز. مەنىڭ سول ءۇشىن جانىم اۋىرادى. ەرتەڭ تەك مۇنايمەن كۇن كورە المايمىز. سوندىقتان، سىزدەردى وسى ماسەلەگە تەرەڭ قاراۋعا شاقىرامىن. بارشا قابىلدانعان شەشىمدەر ءۇشىن جاۋاپكەرشىلىكتى ءوز موينىما الامىن»، - دەيدى رومان سكليار.
بۇل ماقالا تۋرالى نە ويلايسىز؟