قىرعىزستان پرەزيدەنتى سادىر جاپاروۆ "مەنى ءولتىرىپ، بيلىك توڭكەرىسىن جاساماقشى كۇشتەر بار" دەيدى.
ول «جوعارعى كەڭەستىڭ دەپۋتاتى ەميل جامعىرشييەۆ وزبەك مافياسىنىڭ باسشىسى ساليمباي اكاعا حات جازىپ، مەنىڭ جانە تاشييەۆتىڭ كوزىن جويۋعا كومەك سۇراعان»، - دەدى.
بۇگىن قىرعىز ۇقق ەلدەگى ءبىرقاتار ب ا ق رەداكسياسى مەن ونداعى قىزمەتكەرلەردىڭ ۇيلەرىنە ءتىنتۋ جاساپ جاتىر.
بيلىك بۇل ارەكەتتى: «جوعارىدا اتالعان باسىلىمداردا جاريالانعان ماتەريالداردا نارازىلىق اكسيالارى مەن جاپپاي تارتىپسىزدىككە شاقىرۋ بەلگىلەرى تابىلدى»، - دەپ اقتاۋعا تىرىسۋدا.
جالپى بايقالاتىن تەندەنسيا:
بيلىكتەگى ەكى دوس قولىنداعى قامشىنى قىسىپ ۇستاۋعا تىرىسۋدا. كولبايەۆتىڭ قازاسى، مادۋماروۆتىڭ تۇتقىندالۋى، كەمپىر-ابادشىلاردىڭ قامالاۋى، ارىستان الايدىڭ كەنەت قازاسى، تەكەبايەۆقا اقپاراتتىق شابۋىلدىڭ كۇش الۋى ت.ب.
وسى ىستەردىڭ بارلىعى دەرلىك بىر-بىرىمەن ساباقتاسادى.