كلاسسيك جازۋشىمىز ءابدىجاميل نۇرپەيىسوۆ 98-گە قاراعان جاسىندا دۇنيە سالدى. اسىل ءسوزدىڭ ابىزىنان ايىرىلدىق. الاش جۇرتىنا كوڭىل ايتامىز! جەر باسىپ جۇرگەن ءار قازاققا ابەكەڭنىڭ جاسىن بەرسىن!
قالام ۇستاعان ادامنىڭ ءبىر اق ماقساتى بار. ول - قالايدا جازۋ. ارينە، كوپىرتىپ وڭدى-سولدى سۇيكەي بەرۋ ەمەس، جاقسى جازۋ، ولمەيتىن، وشپەيتىن وبراز جاساۋ. ءابدىجامىل نۇرپەيىسوۆ وزىنە وزگەدەن دە قاتال بولا ءجۇرىپ سول بيىكتى باعىندىرعان بىرەگەي جازۋشى بولىپ تاريحتا قالدى.
زامانداستارى، ەكى-ۇش مۇشەل كىشى قالامداستارى جارىسا، مەرەيتوي وتكىزىپ داڭققا بولەنىپ، قۇرمەتكە ورانىپ جاتقاندا، تۇسىنىكتى ءھام تۇسىنىكسىز ابەڭ ءومىر بويى جازىپ كەلە جاتقان "قان مەن تەر"، "سوڭعى پارىز" (الەمنىڭ كوپتەگەن تىلدەرىنە اۋدارىلىپ ءوز باعاسىن الدەقاشان الىپ قويعانىنا قاراماستان) روماندارىن ۇستارتىپ، قىسقارتىپ وڭدەۋمەن بولدى. بۇل جانكەشتىلىكتىڭ يگىلىگىن كىم كوردى، ارينە، قازاق ادەبيەتى مەن مادەنيەتى كوردى.
ءبىتىمى بولەك، كۇردەلى تۇلعا وزىمەن بىرگە ءبىراز جۇمباقتى الا كەتكەندەي كورىنەدى دە تۇرادى...
جاستارعا اقساقالدىڭ ەڭبەكقورلىعى، جازۋعا دەگەن جاۋاپكەرشىلىگى مەن ۇستانىمى جۇعىستى بولسىن!
