ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قورعانىس ەكس-مينيسترى مەملەكەتتىك ساتقىندىق جاسادى دەپ ايىپتالۋدا

21 اقپان 2022 70
 



قازاقستاننىڭ بۇرىنعى قورعانىس ءمينيسترى مۇرات بەكتانوۆتىڭ ۋاقىتشا ۇستاۋ يزولياتورىنا قامالۋىنا قاتىستى جاڭا مالىمەتتەر شىقتى.

ZTB Telegram-ارناسى حابارلاعانداي، مۇرات بەكتانوۆ مەملەكەتكە ساتقىندىق جاسادى دەپ ايىپتالۋدا. دەرەككوزدىڭ حابارلاۋىنشا، قورعانىس ەكس-مينيسترى قاڭتارداعى تارتىپسىزدىكتەر كەزىندە قاستاندىق جاساۋشىلارعا كومەكتەسكەن.
«اتاپ ايتقاندا، بەكتانوۆتىڭ باسشىلىق ەتەتىن قورعانىس مينيسترلىگى قاسىرەتتى قاڭتاردىڭ بىرنەشە كۇنىندە ستراتەگيالىق نىسانداردى دەر كەزىندە قورعاۋدى قامتاماسىز ەتپەگەن. سول سەبەپتى پوليسيا مەن ۇلتتىق ۇلاندا قيمىل ەركىندىگى بولعان جوق جانە جاعداي باقىلانبادى. راسىندا، قورعانىس ءمينيسترىنىڭ ارەكەتى قاستاندىقتىڭ ارتىندا تۇرعاندارعا ءتيىمدى بولدى.

سوندىقتان ۇقشۇ كۇشتەرىنىڭ كومەگىنە جۇگىنۋ تۋرالى شەشىم قابىلداندى. ەڭ باستىسى، بىزدەگى اقپاراتقا سايكەس، كەيبىر بەيبىت تۇرعىنداردىڭ ءولىمى اسكەريلەردىڭ جاۋاپكەرشىلىگىندە. بۇل دا اسكەري cالانىڭ بۇرىنعى باسشىلىعىنىڭ جىبەرگەن قاتەلىكتەرىن كورسەتەدى» دەلىنگەن حابارلامادا.

ەسكە سالساق، نۇر-سۇلتاندا ساعات 09.25-تە قىلمىستىق-پروسەستىك كودەكسىنىڭ 128-بابىنا سايكەس، قازاقستان رەسپۋبليكاسىنىڭ بۇرىنعى قورعانىس ءمينيسترى مۇرات بەكتانوۆ ۇستالىپ، ۋاقىتشا ۇستاۋ يزولياتورىنا قامالدى.
«اعىمداعى جىلدىڭ قاڭتارىنداعى جاپپاي تارتىپسىزدىكتەر مەن لاڭكەستىك ارەكەتتەر فاكتىلەرى بويىنشا قىلمىستىق ىستەردى تەرگەگەن كەزدە. قازاقستان رەسپۋبليكاسى اۋماعىندا قازاقستان رەسپۋبليكاسىنىڭ بۇرىنعى قورعانىس ءمينيسترى م.ق.بەكتانوۆ مىندەتتەرىن ورىنداي المادى.

19.02.2022 اتالعان فاكتى بويىنشا قازاقستان رەسپۋبليكاسىنىڭ باس پروكۋراتۋراسى قىلمىستىق كودەكستىڭ 452-بابى (بيلىك ورگاندارىنىڭ ارەكەتسىزدىگى) بويىنشا سوتقا دەيىنگى تەرگەپ-تەكسەرۋدى باستادى» دەلىنگەن حابارلامادا.



بۇل ماقالا تۋرالى نە ويلايسىز؟