ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قولىنا كىسەن تاعىلعان بورانبايەۆتىڭ ۆيدەوسى پايدا بولدى (ۆيدەو)

16 ناۋرىز 2022 97
 



الماتىدا قاماۋعا الىنعان بەلگىلى كاسىپكەر، داريعا نازاربايەۆانىڭ قۇداسى قايرات بورانبايەۆ نۇر-سۇلتانعا جەتكىزىلدى.

بەينەكادردا قۇقىق قورعاۋ ورگاندارى قولىنا كىسەن سالىنعان قايرات بورانبايەۆتى ۇشاقتان شىعارىپ، شاعىن اۆتوبۋسقا وتىرعىزدى.

ەسكە سالساق، قايرات بورانبايەۆ Orda.kz ءتىلشىسىنىڭ كامەراسىنا تۇسكەن ساتتە ۇستالعان بولاتىن. بۇل تۋرالى قۇقىق قورعاۋ ورگاندارىنداعى دەرەككوز حابارلادى.

Orda.kz تىلشىلەرى كەشە قايرات بورانبايەۆتى ايۋساي شاتقالىندا سۋرەتكە ءتۇسىرىپ الدى. ول ءبىراز ادامدارمەن بىرگە باياۋ ءجۇرىپ كەلە جاتتى. ونىڭ ەكى قولى ارتىنا قايىرىلعان، ءبىراق كىسەنسىز. جۋرناليستەردى كورگەن ول قاسىنداعىلارمەن بىرگە تەز ىشكە كىرىپ كەتتى.
ءدال سول ۋاقىتتا شاتقالدا قوڭىر ايۋلاردى جاڭعىرتۋ جوباسىنىڭ تۇساۋكەسەرى ءوتىپ جاتقان ەدى.

Orda.kz رەداكسياسى تابيعاتتى تاماشالاۋعا بورانبايەۆ تا كەلدى دەپ شەشتى. كەشكە قاراي ونىڭ ۇستالعانى بەلگىلى بولدى. الايدا، ءاتى-جونىن اتاماۋدى وتىنگەن  قارجى مونيتورينگى اگەنتتىگىنىڭ قىزمەتكەرى بىزگە McDonald’s فرانشيزاسى يەسىنىڭ ايۋساي شاتقالىندا ۆيللاسى بار ەكەنىن جانە سول ساتتە وندا ءتىنتۋ جۇمىستارى ءجۇرىپ جاتقانىن ايتتى. ال Orda.kz كامەراسىنا تۇسكەن كەزدە ول قۇقىق قورعاۋ ورگاندارى قىزمەتكەرلەرىمەن ۆيللاعا ىرگەلەس اۋماقتى اينالىپ ءوتىپ بارا جاتقان بولىپ شىقتى. وسىدان كەيىن تاۋدان تۇسكەن بورانبايەۆقا بىردەن رەسمي تۇردە ايىپ تاعىلدى.

ەسكە سالساق، 15 ناۋرىزدا بورانبايەۆتى الماتىدا قارجى مونيتورينگى اگەنتتىگىنىڭ ورتالىق اپپاراتىنىڭ قىزمەتكەرلەرى قاماۋعا الدى. 16 ناۋرىز كۇنى ول الماتىدان نۇر-سۇلتان قالاسىنا جەتكىزىلدى.
«بورانبايەۆ استاناعا قازاقستاننىڭ قۇقىق قورعاۋ ورگاندارىنا تاعايىندالعان ياك-42د ۇشاعىمەن جاقىندا عانا اكەلىندى» دەدى دەرەككوز.





دەرەككوز
بۇل ماقالا تۋرالى نە ويلايسىز؟