قازاقستان پرەزيدەنتىنىڭ جاقىن تۋىستارىنا جوعارى لاۋازىمداردى اتقارۋعا تىيىم سالىنادى.
بۇل تۋرالى قازاقستان حالقىنا جولداۋىندا مەملەكەت باسشىسى قاسىم-جومارت توقايەۆ مالىمدەدى.
توقايەۆ مەملەكەت باسشىسى بارلىق ازاماتتار ءۇشىن تەڭ مۇمكىندىكتەردىڭ مىزعىماس كەپىلى بولۋى كەرەكتىگىن اتاپ ءوتتى.
«سوندىقتان پرەزيدەنتتىڭ ەڭ جاقىن تۋىستارىنىڭ مەملەكەتتىك ساياسي قىزمەتشىلەر مەن كۆازيمەملەكەتتىك سەكتوردا جەتەكشى لاۋازىمداردى اتقارۋىنا زاڭنامالىق تىيىم سالىنادى» دەدى پرەزيدەنت.
سونداي-اق، ول قاسىرەتتى قاڭتاردىڭ ماڭىزدى ساباعى – بيلىكتىڭ مەملەكەتتەگى ەڭ جوعارى شەنەۋنىكتىڭ قولىندا شوعىرلانۋى وعان جاقىن ادامدار مەن قارجىلىق-وليگارحيالىق توپتاردىڭ ىقپالىن نەگىزسىز كۇشەيتەتىنىن قوستى.
دەرەككوز
