ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قىتايداعى قارا ەرتىسكە سالىنعان سۋ قويما جارىلدى. شقو-عا ءقاۋىپ بار ما؟

24 مامىر 2024 283

شقو-دا سۋ تاسقىنىنا قارسى ءىس-شارالار جۇرگىزىلەدە، دەپ حابارلايدى Alash.kz  تجم-گە سىلتەمە جاساپ.

مينيسترلىك نە دەيدى

قازىرگى ۋاقىتتا توتەنشە جاعدايلار مينيسترلىگى قۇتقارۋشىلارىنىڭ كۇشىمەن جانە جەرگىلىكتى اتقارۋ ورگاندارمەن مارقاكول اۋدانى بوران اۋىلىندا قاپشىقتاردى توسەۋ جانە بوگەتتەردى بيىكتەتۋ بويىنشا جۇمىستار ۇيىمداستىرىلعان.

تاۋلىك ىشىندە 470 قاپ توسەلىپ، ۇزىندىعى 250 م ءۇيىندى بەكىتىلگەن.

– قارا ەرتىس وزەنىنىڭ دەڭگەيىنە تاۋلىك بويى مونيتورينگ جۇرگىزىلۋدە، – دەلىنگەن مينيسترلىكتىڭ حابارلاماسىندا.

قىتايداعى بوگەتتىڭ جارىلۋى

قىتايدا كەشە بوگەتتىڭ بۇزىلعانى بەلگىلى بولدى.

بۇل جاعدايعا سۋ جانە سۋارۋ مينيسترلىگى تۇسىنىكتەمە بەردى. ولار قىتايدان كەلگەن ارىپتەستەرىمەن ۇنەمى بايلانىستا ەكەنىن حابارلادى. جۇڭگو تاراپى ترانسشەكارالىق وزەندەر ارقىلى 1400 م3/س سۋ اعىزاتىنىن حابارلاعان.

ەلدى مەكەندەردى سۋ باسۋ ءقاۋپى جوق، دەپ ناقتىلادى مينيسترلىك.

– بوران گيدروپوستى اۋدانىنداعى قارا ەرتىس وزەنىندەگى سۋ شىعىنى بۇگىندە 1700 م3/س، سۋ دەڭگەيى 543 سم قۇرادى. اعىننىڭ قاشان جەتەتىنىن ەسكەرە وتىرىپ، قارا ەرتىس وزەنىنىڭ – بوران اۋىلىنىڭ گيدرولوگيالىق بەكەتىندە سۋ دەڭگەيىنىڭ كوتەرىلۋى كۇتىلۋدە.

وسىعان بايلانىستى، شقو قازسۋشار فيليالى ماماندارىنىڭ جۇمىسى كۇشەيتىلگەن رەجيمگە اۋىستىرىلدى. وسكەمەن سۋ قويماسىنان (بۇقتىرما سۋ قويماسىنىڭ كونتررەگۋلياتورى) اعىزۋ 500 م3/س-تان 800 م3/س - قا دەيىن ۇلعايتىلدى، جاعداي ءمينيستردىڭ ەرەكشە باقىلاۋىندا"، - دەپ حابارلادى مينيسترلىكتەگىلەر.

مينيستر نۇرجان نۇرجىگىتوۆ ەرتەڭ شىعىس قازاقستان وبلىسىنا بارادى.

اۋداندارعا تاراعان حابار

قارا ەرتىس وزەنىنىڭ ماڭايىنداعى اۋداندارعا مىناداي حابارلاما تاراعان. 

– جۇڭگو حالىق رەسپۋبليكاسى، بۋرشىن اۋدانىندا سۋ قويماسى جارىلدى. وسى سۋ قويماسىنداعى جينالعان سۋ قارا ەرتىسكە قۇيادى، وزەن دەڭگەيىنىڭ مولشەردەن تىس كوتەرىلۋىنە بايلانىستى قارا ەرتىس وزەنىنىڭ جاعالاۋىنا بارماۋلارىڭىز سۇرالادى، – دەلىنگەن اقپاراتتا.

بۇل ماقالا تۋرالى نە ويلايسىز؟