ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستاننان اقش-قا تىكەلەي اۋە قاتىناسى جۇزەگە اسۋى مۇمكىن

04 ءساۋىر 2024 125

قازاقستاننان اقش-قا تىكەلەي اۋە قاتىناسى ۇيىمداستىرىلۋ ۇستىندە، دەپ حابارلايدى Alash.kz.

ق ر كولىك مينيسترلىگىنىڭ باسپا ءسوز قىزمەتىنىڭ مالىمەتىنشە، مەملەكەت باسشىسىنىڭ قازاقستان مەن اقش اراسىندا تىكەلەي اۋە قاتىناسىن ۇيىمداستىرۋ جونىندەگى تاپسىرماسىن جۇزەگە اسىرۋ شەڭبەرىندە قازاقستاننىڭ اۆياسيالىق اكىمشىلىگى كولىك مينيسترلىگىنىڭ ازاماتتىق اۆياسيا كوميتەتىمەن جانە قازاقستان رەسپۋبليكاسىنىڭ اقش-تاعى ەلشىلىگىمەن بىرلەسە وتىرىپ ءارى ق ر سىرتقى ىستەر مينيسترلىگىنىڭ قولداۋىمەن اقش فەدەرالدى اۆياسيالىق اكىمشىلىگىمەن ۇشۋ قاۋىپسىزدىگى بويىنشا الدىن الا حالىقارالىق باعالاۋدى (IASA) وتكىزۋ تۋرالى كەلىسىمگە قول قويدى.

قۇجاتتا ءوزارا اقپارات الماسۋ، تەحنيكالىق كومەك جانە الەۋەتتى ارتتىرۋ شارالارىن قوسا العاندا، IASA الدىن الا باعالاۋ پروسەسىنە باعىتتالعان بىرلەسكەن تاسىلدەر قاراستىرىلعان. اتالعان كەلىسىم قازاقستاندا ۇشۋ قاۋىپسىزدىگىن قامتاماسىز ەتۋ دەڭگەيىن ارتتىرۋ بويىنشا قازاقستاننىڭ اۆياسيالىق اكىمشىلىگى، ازاماتتىق اۆياسيا كوميتەتى جانە فەدەرالدى اۆياسيالىق اكىمشىلىگى اراسىنداعى ىنتىماقتاستىقتى كۇشەيتۋگە مۇمكىندىك بەرەدى دەپ كۇتىلۋدە.

الدىن الا باعالاۋ شەڭبەرىندە IASA فەدەرالدى اۆياسيالىق اكىمشىلىگى اۆياكومپانيالارى ۇشۋعا ءوتىنىش بەرگەن، اقش-قا ۇشاتىن نەمەسە امەريكالىق اۋە كومپانيالارىنىڭ كودشەر بويىنشا كەلىسىمشارتىنا قاتىساتىن ەلدەردىڭ ازاماتتىق اۆياسيا ورگاندارىنىڭ يكاو-نىڭ ۇشۋ قاۋىپسىزدىگى جونىندەگى حالىقارالىق ستاندارتتارىن ساقتاۋىن باعالايدى.

IASA-نى الدىن الا باعالاۋ بۇدان ءارى فەدەرالدى اۆياسيالىق اكىمشىلىگىنىڭ 1-ساناتتاعى مارتەبەسىن الۋعا باعىتتالعان جانە ءتيىستى اۋە كەمەلەرى بولعان كەزدە قازاقستان مەن اقش اراسىنداعى وتاندىق اۋە كومپانيالارىنا تىكەلەي اۋە قاتىناسىن ىسكە قوسۋعا مۇمكىندىك بەرەدى.

كەلىسىم ق ر اۆياسيا بيلىگىنىڭ ۇشۋ قاۋىپسىزدىگىنىڭ ەڭ جوعارى ستاندارتتارىن ساقتاۋعا ۇمتىلىسىن ايقىنداپ، قازاقستان مەن امەريكا قۇراما شتاتتارى اراسىنداعى بايلانىستار مەن ەكونوميكالىق مۇمكىندىكتەردى كەڭەيتۋگە ىقپال ەتەتىن بولادى.

بۇل ماقالا تۋرالى نە ويلايسىز؟