ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«سەن مەنەن قۇتىلعىڭ كەلەدى»: نۇكەنوۆانىڭ ولەر الدىندا جازعان جەكە جازباسى پايدا بولدى

04 ءساۋىر 2024 1064

قۋاندىق بيشىمبايەۆتىڭ كەزەكتى سوت وتىرىسىندا سالتانات نۇكەنوۆانىڭ ۇيالى تەلەفونىندا جازىلعان جەكە جازبالار وقىلدى، دەپ حابارلايدى Alash.kz.

جازبادا سالتانات نۇكەنوۆا بيشىمبايەۆتىڭ قانشالىقتى پسيحولوگيالىق قىسىم كورسەتىلگەنى باياندالعان.

«مەن سەنىڭ ويىنشىعىڭ ەمەسپىن، سەنىڭ دەگەنىڭمەن 24/7 ۋاقىت ءجۇرۋ مەنىڭ نەرۆ جۇيەلەرىمدى قۇرتىپ جاتىر. مەن سەنى سەنىڭ وسىنداي قىسىمىڭنان كەيىن جۇمىستان كۇلىپ قارسالا المايمىن دەپ قورقامىن. شارشاڭقى كورىنىپ قالامىن. مەن سەنى قاتتى جاقسى كورەمىن، ءبىز ەكەۋمىز ءبىر-بىرىمىزدىڭ قورعانىمىز بولۋىمىز كەرەك. مەن ءۇشىن سەنىڭ باقىتىڭ مەن تىنىشتىعىڭنان اسقان ەشتەڭە ماڭىزدى ەمەس»،-دەپ جازعان ءوز جەكە جازباسىندا نۇكەنوۆا.

بيشىمبايەۆ جازبالارعا قاتىستى ءوز جاۋابىندا، نۇكەنوۆانىڭ ءۇش كۇن سايىن ۇيدەن كەتىپ قالاتىنىن، كەيىن ءۇش كۇننەن كەيىن قايتا كەلەتىنىن ايتتى.

«ول كۇندە كەتەمىن دەپ ايقاي شىعارىپ، كەيىن دىم بولماعانداي قايتا كەلەتىن. اركەز تۇندە ۇرىس شىعارىپ، بالالاردى قورقىتاتىن. بالالار بارلىعىن كورىپ، ەستيتىن ەدى. سالتاناتتىڭ ايتقان ءار بوقاۋىز ءسوزىن بالالار اركەز ەستيتىن. مەن وسى ءۇشىن ودان پسيحولوگ، پسيحوتەراپيەۆتكە بارۋدى ءوتىندىم»،-دەدى ول.

«سالتانات مەنى ۇنەمى قىزعاناتىن. قايدا بارسام دا، ۇيگە كەش كەلسەم دە بارلىعىن تەكسەرىپ، ۇرىس شىعاراتىن. مەنىڭ وعان قويعان ەكى تالابىم بولدى. مەنى تاڭەرتەڭ ۇيقىدان تۇرىپ،جۇمىسقا شىعارىپ سالۋ جانە كەشكى اس دايىنداپ قويۋ بولدى. ول بۇل تالاپقا دا كونگىسى كەلمەي، ۇرىس شىعاراتىن»،-دەدى بيشىمبايەۆ.

سالتانات نۇكەنوۆا ءوزىنىڭ جەكە جازباسىندا بيشىمبايەۆتى تەررورعا بالاپ، «سەن مەنەن قۇتىلعىڭ كەلەدى» دەگەن قورقىنىشتى سوزدەردى جازعان.

ءار جازىلعان جازباسىندا ول بيشىمبايەۆتان كەتكىسى كەلەتىنىن، ونىڭ قىسىمىنان شارشاعانىن، جانە ودان ءارى مازالاماي ءوزىن بوساتۋىن وتىنگەن.

 

بۇل ماقالا تۋرالى نە ويلايسىز؟