ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستاندى توپان سۋ الىپ جاتقان كەزدە نەگە ۇندەمەي قالدىڭىز؟ - ەركىن راقىشيەۆ نازاربايەۆقا ۇندەۋ تاستادى

14 ءساۋىر 2024 1056

ق ر ەكس- پرەزيدەنتى نۇرسۇلتان نازاربايەۆقا  الماتى قالالىق ءماسليحات دەپۋتاتى، رەجيسسەر ەركىن راقىشيەۆ ۇندەۋ جولدادى، دەپ حابارلايدى Alash.kz.

“قۇرمەتتى نۇرسۇلتان نازاربايەۆ، قالىڭىز قالاي؟ بارسىز با؟ ءسىزدى كورىنبەي كەتتى دەپ حالقىڭىز الاڭداپ، ىزدەپ جاتىر عوي. ەل باسقارعان كەزىڭىزدە “ەلىمىز امان، جۇرتىمىز تىنىش بولسىن” دەيتىن ەدىڭىز. ەندى حالقىڭىز قينالىپ، جارتى قازاقستاندى توپان سۋ الىپ جاتقان كەزدە نەگە ۇندەمەي قالدىڭىز؟ مىڭداعان قازاق مال-مۇلكىنەن، ءۇي-جايىنان ايىرىلىپ جاتىر. ۇندەمەي جاتقانىڭىز جاراسپاس. حالقىڭىزعا قولداۋ ءبىلدىرىپ، قول ۇشىن سوزىڭىز. اقشاڭىز جوق ەمەس، بار. كەيبىر دەرەكتەرگە قاراعاندا، “نازاربايەۆ قايىرىمدىلىق قورىندا” 8 ملرد دوللاردان استام اقشا جاتىر. وسى قىرۋار اقشانى، حالقىڭىز قيىندىققا ۇشىراعان كەزدە بەرمەگەندە، نە ىستەيسىز؟

بۇل ءسىزدىڭ ماڭداي تەرىڭىزبەن تاپقان اقشاڭىز ەمەس، ءبىر سوزبەن ايتقاندا حالىقتىڭ اقشاسى. 1-2 ملردپەن بولسا دا حالىققا كومەكتەسىڭىز. سىزگە جالتاقتاپ وتىرعان، ەلدىڭ اقشاسىن جەگەن وليگارحتارعا دا ايتىپ بارىڭىز. تەنتىرەگەن حالىققا ءۇي سالىپ بەرسىن!،- دەدى ەركىن راقىشيەۆ.

بۇل ماقالا تۋرالى نە ويلايسىز؟