سۋ تاسقىنىنان زارداپ شەككەن قوستاناي وبلىسىنىڭ تۇرعىندارى 180 مىڭ تەڭگەدەن كومەك العانى حابارلاندى.بۇل جايلى Alash.KZ ۇلتتىق پورتالى حابارلايدى.
قوستاناي وبلىسى اكىمىنىڭ ورىنباسارى ارمان ابەنوۆ رەسپۋبليكالىق شتابتىڭ بريفينگىندە سۋ تاسقىنىنان زارداپ شەككەن تۇرعىندارعا بەرىلەتىن وتەماقى تولەمدەرى جايلى ءسوز ەتتى. وبلىس اكىمى ورىنباسارىنىڭ ايتۋىنشا، قوستاناي وبلىسىنىڭ تۇرعىندارى وتەماقى تولەمدەرىن الا باستاعان.
"بۇگىنگى تاڭدا 620 وتباسىنا 114،4 ملن تەڭگەگە الەۋمەتتىك كومەك تولەندى"، – دەدى قوستاناي وبلىسى اكىمىنىڭ ورىنباسارى ارمان ابەنوۆ.
ءقازىر وبلىستا سۋ تاسقىنىنان كەلەتىن ءقاۋىپ سەيىلىپ، جاعداي ءبىرشاما تۇراقتالعانى دا مالىمدەلدى. اقپاراتقا سايكەس، بۇگىندە 160 – تان استام جەكە تۇرعىن ءۇي سۋ استىندا قالىپ وتىر. اتاپ ايتقاندا: قوستانايدا 45،قاراسۋ اۋدانى، قارامىرزا اۋىلىندا 25، قوستاناي اۋدانىنىڭ التىنسارين، ميچۋرين، سادوۆوە جانە التىندالا اۋىلدارىندا 91 ءۇيدى سۋ باسقان.
"سۋدىڭ باسۋىنا بايلانىستى 27 ەلدى مەكەن ءالى كۇنگە دەيىن ەلەكترمەن جابدىقتاۋسىز قالىپ وتىر. رەسپۋبليكالىق ماڭىزى بار 4 جانە وبلىستىق ماڭىزى بار 3 اۆتوجول جابىلدى. كولىك قاتىناسى جوق 10 ەلدى مەكەن بار"، - دەدى ارمان ابەنوۆ.
رەتى كەلگەندە ايتا كەتەيىك، ەكىدين، ۇرپەك، اقكول، قاراسۋ، ساگا، بيدايىق، وشاعان، قۇمشىق جانە كولكامىس اۋىلدارى مەن جانگەلدى اۋدانىندا، قىزىلتۋ اۋىلى مەڭدىقارا اۋدانىندا كولىك قاتىناسى توقتاعان.
