ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«ادىلدىك جانە وركەندەۋ» قق اقتوبە وكىلدىگىنىڭ بەلسەندىلەرى سۋ تاسقىنىنان زارداپ شەككەن حالىققا قول ۇشىن سوزدى

11 ءساۋىر 2024 217

اقتوبە وبلىسىندا سۋ تاسقىنىنان زارداپ شەككەن وتانداستارىمىزعا «ادىلدىك جانە وركەندەۋ» رەسپۋبليكالىق قوعامدىق قورىنىڭ اقتوبە وڭىرلىك وكىلدىگىنىڭ بەلسەندىلەرى قول ۇشىن سوزدى.

اقتوبە وبلىسىندا ماعادجان بوگەتىنىڭ بۇزىلۋى سالدارىنان العا اۋدانىنداعى اۋىل تۇرعىندارىنىڭ ۇيلەرى سۋ استىندا قالىپ، قيرادى. سۋ اعىنى العالييەۆتەر وتباسىنىڭ تۇرعىن ءۇيى مەن شارۋاشىلىق قۇرىلىستارىن زاقىمدادى.

سۋ تاسقىنىنان زارداپ شەككەن «سارسەنعالي» شارۋا قوجالىعى باسشىسىنىڭ ايتۋىنشا، ۇلكەن سۋدىڭ كەنەتتەن كەلۋى اۋىل تۇرعىندارىنا اۋىر سوقتى.

«مەن اپات باستالعان كۇندى ەشقاشان ۇمىتپاسپىن. سۋ ءار مينۋت سايىن كەلىپ تۇردى، ءبىز قايدا بارىپ، ءبىرىنشى كەزەكتە نەنى قۇتقاراتىنىمىزدى بىلمەدىك»، - دەپ ءبولىستى سارسەنعالي العالييەۆ.

ءقازىر سۋ كەتتى، العالييەۆتەر وتباسىنىڭ ءۇيى مەن عيماراتتارى قالدى. ءبىراق مۇندا تۇرۋ مۇمكىن ەمەس. ءۇيدىڭ قابىرعالارى جارىلىپ، دىمقىل بولدى. جيھاز ابدەن بۇلىنگەن، ەدەن كوتەرىلىپ، بولمەلەردە ىلعالدىڭ ءيىسى قالىپ قالدى.

«ادىلدىك جانە وركەندەۋ» قورىنىڭ قوعام قايراتكەرلەرى قۇرىلىس ماتەريالدارىن ساتىپ الۋعا قاراجات ءبولىپ، شارۋلاردى قولداۋ تۋرالى شەشىم قابىلدادى.

«سۋ تاسقىنى اپاتى بىزگە اۋىر ءتيدى. ءوزىمىزدى بۇكىل الەمدە جالعىز قالعانداي سەزىندىك. سوندىقتان جاعدايمىزعا بەي-جاي قاراي المايتىن ادامداردىڭ كومەگى ءبىز ءۇشىن باعا جەتپەس قولداۋ. مەن «ادىلدىك جانە وركەندەۋ» قورىنىڭ بەلسەندىلەرىنە جاردەم بەرگەنى ءۇشىن شىن جۇرەكتەن العىس ايتامىن!»- دەدى سارسەنعالي العالييەۆ.


بۇل ماقالا تۋرالى نە ويلايسىز؟