ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستان ۇكىمەتىنە كۇشتىك قۇرىلىم وكىلى كەلدى - ساراپشى

06 اقپان 2024 45
«التەرناتيۆا» وزەكتى زەرتتەۋلەر ورتالىعىنىڭ ديرەكتورى، ساياساتتانۋشى اندرەي چەبوتاريەۆ ولجاس بەكتەنوۆتىڭ ۇكىمەت باسشىسى قىزمەتىنە تاعايىندالۋىنا قاتىستى پىكىر ءبىلدىردى، دەپ حابارلايدى alash.kz.

ونىڭ سوزىنە قاراعاندا، بەكتەنوۆ ەلىمىزدە تاعايىندالعان ەڭ جاس پرەمەر-مينيستر بولۋى مۇمكىن. ال بۇل ونىڭ قازاقستانداعى قازىرگى جاعدايدا كوپ ماسەلەنىڭ شەشىمىن تابۋعا ىقپال ەتەتىنى ءسوزسىز.
"قازاقستان ۇكىمەتىنە العاش رەت كۇشتىك قۇرىلىم وكىلى باسشىلىققا كەلدى. ءيا، ەكس-پرەمەرلەر اكەجان قاجىگەلدين مەن كارىم ءماسىموۆ ءبىر كەزدەرى ارنايى قىزمەتتە ىستەگەنىن بىلەمىز. الايدا، ولار بۇرىنىراقتا – كسرو زامانىندا بولعان ەدى. تاۋەلسىز قازاقستاندا ەكەۋى دە مەملەكەتتىك قىزمەتكە بيزنەس سالاسىنان كەلدى"، - دەدى ساراپشى.

ول ولجاس بەكتەنوۆتىڭ جيىرما جىلدان استام ۋاقىتتان بەرى ۇزدىكسىز مەملەكەتتىك قىزمەتتە ەڭبەك ەتىپ كەلە جاتقانىن العا تارتتى.
"ونىڭ ۇستىنە، 10 جىلدان اسا ۋاقىت سىبايلاس جەمقورلىققا قارسى كۇرەسەتىن ورگاندا قىزمەت ەتكەنىن بىلەمىز. سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسىنا دەيىن كوتەرىلگەن»، – دەيدى ساياساتتانۋشى.

اندرەي چەبوتاريەۆتىڭ سوزىنە قاراعاندا، 2022 جىلى اقپان ايىندا بەكتەنوۆتىڭ سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى بولىپ تاعايىندالۋى مەملەكەت باسشىسى قاسىم-جومارت توقايەۆتىڭ وعان قاتتى سەنەتىنىن كورسەتەدى.
"بەكتەنوۆ پرەمەر-مينيستر بولىپ تاعايىندالسا، ول ۇيىمداستىرۋ-باقىلاۋ ماسەلەلەرىنە، مەملەكەتتىك اپپاراتتاعى جەمقورلىققا قارسى تۇرۋعا، زاڭسىز جولمەن تاپقان اكتيۆتەردى مەملەكەت باقىلاۋىنا قايتارۋعا جانە جاڭا «ويىن ەرەجەلەرىن» ساقتاۋ بويىنشا ءىرى بيزنەس وكىلدەرىمەن ءوزارا ىس-ارەكەت جاساۋعا باسىمدىق بەرەدى. وسىعان وراي، ەكونوميكانى جانە الەۋمەتتىك سالانى باسقارۋ ءىسى جەتەكشىلىك ەتۋشى ۆيسە-پرەمەرلەرگە جۇكتەلەتىن بولادى. دەمەك، ۇكىمەتكە ايبار كورسەتەتىن، ءىرى ىستەردى اتقاراتىن ۋاقىت كەلدى. قازىرگى احۋال سونى تالاپ ەتىپ تۇر. تىڭ وزگەرىستەر جاساۋ ءۇشىن جاستىق جىگەر قاجەت. بۇل جىگەر بەكتەنوۆتىڭ بويىنان تابىلادى دەگەن ويدامىن. ويتكەنى، جوعارىدا ايتقان دەرەكتەرىمدى نەگىزگە الىڭىز»، – دەدى «التەرناتيۆا» وزەكتى زەرتتەۋلەر ورتالىعىنىڭ ديرەكتورى.

ول، جالپى سوزدەن ىسكە كوشەتىن ۋاقىتتىڭ كەلگەنىن اتاپ ءوتتى. بۇل ورايدا، جاڭا مينكابينەت اسا بەلسەندىلىك تانىتۋى قاجەت.
بۇل ماقالا تۋرالى نە ويلايسىز؟