"مەملەكەت باسشىسىنىڭ جارلىعىمەن ايدا عالىم قىزى بالايەۆا قازاقستان رەسپۋبليكاسىنىڭ مادەنيەت جانە اقپارات ءمينيسترى لاۋازىمىنا تاعايىندالدى"، - دەپ جازىلعان اقوردا حابارلاماسىندا.
ول بۇل قىزمەتكە 2023 جىلعى 2 قىركۇيەكتە دە تاعايىندالعان ەدى. ال بۇعان دەيىن پرەزيدەنت اكىمشىلىگىندە قىزمەت اتقاردى.
2020-2022 جىلدارى اقپارات جانە قوعامدىق دامۋ ءمينيسترى دە بولدى.
دەنساۋلىق ساقتاۋ ءمينيسترى لاۋازىمىنا اقمارال ءالنازاروۆا تاعايىندالدى.
بۇعان دەيىن بۇل قىزمەتتە اجار عينيات بولعان ەدى.
اقمارال ءالنازاروۆا 1971 جىلى 16 قاڭتاردا قىزىلوردا قالاسىندا دۇنيەگە كەلگەن.
الماتى مەملەكەتتىك مەديسينا ينستيتۋتىن "پەدياتر دارىگەر" ماماندىعى بويىنشا جانە قورقىت اتا اتىنداعى قىزىلوردا مەملەكەتتىك ۋنيۆەرسيتەتىن ەكونوميست ماماندىعى بويىنشا بىتىرگەن.
ەڭبەك جولىن 1994 جىلى قىزىلوردا قالالىق بالالار اۋرۋحاناسىنىڭ جەدەل جاردەم بولىمشەسىنىڭ دارىگەرى بولىپ باستادى.
قىزىلوردا وبلىستىق بالالار اۋرۋحاناسىنىڭ باس دارىگەرى، قىزىلوردا وبلىسى دەنساۋلىق ساقتاۋ باسقارماسىنىڭ باسشىسى، وبلىس اكىمىنىڭ ورىنباسارى قىزمەتتەرىن اتقاردى.
بۇل قىزمەتكە تاعايىندالعانعا دەيىن ول قىزىلوردا وبلىسىنان سەنات دەپۋتاتى بولعان.
