قازاق قىزى ەۆەرەستكە تۋ تىكتى

انار بۋراشيەۆا "Kazakh Everest Team" كومانداسىنىڭ قۇرامىندا ەۆەرەستكە شىقتى.

بۇل جەتىستىك تۋرالى "Kazakh Everest Team" كومانداسى حابارلادى.  

"12 مامىر كۇنى ساعات 07.25-تە نەپال ۋاقىتى بويىنشا انار بۋراشيەۆا مەن ماقسات جۇمايەۆ قۇرامىنداعى" Kazakh Everest Team "قازاقستاندىق كومانداسى الەمنىڭ ەڭ بيىك شىڭىنا – ەۆەرەست شىڭىنا (8848م) ءساتتى كوتەرىلدى"، – دەلىنگەن حابارلامادا. 

8000 مەتر بيىكتىككە شىعۋ كەزىندە ەكسپەديسيالاردىڭ كوپشىلىگى كەرى قايتقان. تەك بەس ەلدىڭ الپينيستەرى ەۆەرەستكە ءساتتى كوتەرىلە الدى. ولاردىڭ قاتارىندا ءبىزدىڭ وتانداستارىمىز دا بار. تاريحتا الەمنىڭ ەڭ بيىك شىڭىنا شىققان العاشقى قازاق قىزى انار بۋراشيەۆا بولدى. ال ونىڭ سەرىگى الپينيست ماقسات جۇمايەۆ بۇل شىڭدى وسىمەن ءۇشىنشى رەت باعىندىرىپ وتىر. 

"Kazakh Everest Team" كومانداسىنىڭ ەڭ بيىك شىڭعا ورمەلەپ شىعۋىنا  بەس تاۋلىك ۋاقىت قاجەت بولىپتى.ەۆەرەست شىڭىندا "Kazakh Everest team" سپورتتىق-پاتريوتتىق ەكسپەديسياسىنىڭ قاتىسۋشىلارى انار بۋراشيەۆا مەن ماقسات جۇمايەۆ قازاقستان رەسپۋبليكاسىنىڭ مەملەكەتتىك تۋىن كوتەردى. 

بۇگىن، 12 مامىردا انار مەن ماقسۇت IV لاگەردە (8000 م) ەڭ قيىن كوتەرىلۋدەن كەيىن تومەن ءتۇسۋ ءۇشىن كۇش جيناپ جاتىر. شىڭعا شىعۋ جولىندا ءبىراز كۇش جۇمساعان ولار، تىنىعىپ الدەنىپ الۋى كەرەك.