الماتىدا قاسىرەتتى قاڭتار كەزىندە قازا بولعان 12 جاسار سۇلتان قىلىچبەكتىڭ دەنەسى بىرنەشە رەت ەكسگۋماسيالاندى.
«بەس ادام كەلدى – ەكەۋى پوليسيا كيىمىن كيگەن، ەكى جۇمىسشى جەر قازىپ جاتقان، ال بىرەۋى ازاماتتىق كيىم كيىپ، قىدىرىپ، بىردەڭە جازىپ ءجۇردى. وسى كەزدە زيرات قاقپاسىنىڭ الدىندا تۇرعان پوليسەيلەر ايعايلاپ، اۋماققا كىرگىسى كەلگەن باسقا ادامداردى زيراتقا كىرگىزبەدى. كولىكتەر رەسەيلىك ازاماتتىق نومىرلەرمەن – ءبىر جۇك كولىگى جانە ءبىر Toyota، سەدان بولدى» دەدى كۋاگەرلەردىڭ ءبىرى قازتاگ تىلشىسىنە.
بەلگىلى بولعانداي بالانى ەكىنشى رەت ەكسگۋماسيالاعان.
كۋاگەرلەردىڭ ايتۋىنشا، بالانىڭ ءمايىتىن قازىپ العان كەزدە قاسكەلەڭدىك پوليسەيلەردىڭ ءبىرى وقيعا ورنىندا بولعان.
بالانىڭ اكەسى ەكسگۋماسيالاۋعا كەلىسىم بەرمەگەنىن ايتتى.
ەسكە سالساق، قاڭتار ايىنىڭ باسىنداعى قايعىلى وقيعا كەزىندە قاسكەلەڭدىك 12 جاستاعى سۇلتان قىلىچبەك الماتىدا بولعان. ول اتىستى وتشاشۋ دەپ ونى ۆيدەوعا تۇسىرمەكشى بولعان ساتتە جارالانعان. سالدارىنان 12 جاسار بالا كوز جۇمعان.
دەرەككوز
