ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

شەتەل ۆاليۋتاسىن بەرۋ ماسەلەلەرى: ۇلتتىق بانك مالىمدەمە جاسادى

12 ناۋرىز 2022 107

قولما-قول شەتەل ۆاليۋتاسىن بەرۋدەگى  قيىندىقتار حالىق سۇرانىسىنىڭ ارتۋىنا جانە لوگيستيكالىق جاعجايلارعا بايلانىستى.

قازاقستان ۇلتتىق بانكى شەتەل ۆاليۋتاسىن الۋداعى قيىندىقتارعا قاتىستى رەسمي مالىمدەمە جاسادى.

 «ايىرباستاۋ پۋنكتتەرىندە جانە ەكىنشى دەڭگەيلى بانكتەردە قولما-قول دوللاردى ساتۋعا نەمەسە شىعارۋعا شەكتەۋ قويۋعا قاتىستى سۇرانىستاردىڭ كوبەيۋىنە بايلانىستى ۇلتتىق بانكتىڭ شەتەل ۆاليۋتاسىمەن وپەراسيالاردى جۇرگىزۋگە شەكتەۋ قويۋ تۋرالى قاۋلىلار نەمەسە وزگە دە زاڭعا تاۋەلدى اكتىلەر قابىلدانباعانىن حابارلايمىز»  دەلىنگەن حاتتا.

شيەلەنىستى گەوساياسي جاعداي اياسىندا قازاقستانعا باسقا ەلدەردەن قولما-قول شەتەل ۆاليۋتاسىن جەتكىزۋدە قيىندىقتار تۋدى.

ۇلتتىق بانك اقش ورتالىق بانكىنەن قولما-قول شەتەل ۆاليۋتاسىنىڭ قوسىمشا كولەمىن جەتكىزۋ ماسەلەسىن قاراستىرۋدا. قولما-قول ايىرباسقا ارنالعان  دوللاردى ۋاقتىلى جەتكىزۋدى قامتاماسىز ەتۋ ءۇشىن  ولار كولىك كومپانيالارىمەن بارلىق قاجەتتى كەلىسىمدەرگە يە.

بۇعان دەيىن حابارلانعانداي، ەلدەگى ءاتى-جونىن اتاماۋدى سۇراعان ءبىرقاتار بانكتەر قازاقستانعا ۆاليۋتا جەتكىزۋدەگى قيىندىقتار  رەسەيگە قارسى سانكسيالار مەن ۋكرايناداعى قاقتىعىسقا بايلانىستى ەكەنىن راستادى.



دەرەككوز
بۇل ماقالا تۋرالى نە ويلايسىز؟