ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

نازاربايەۆ انتالياداعى ديپلوماتيالىق فورۋمعا قاتىستى

11 ناۋرىز 2022 107
[ad_1]



قازاقستاننىڭ بۇرىنعى پرەزيدەنتى نۇرسۇلتان نازاربايەۆ تۇركيانىڭ انتاليا قالاسىندا ءوتىپ جاتقان ديپلوماتيالىق فورۋمعا قاتىسىپ جاتىر. بۇعان دەيىن ونىڭ پرەزيدەنت رەجەپ تايىپ ەردوعاننىڭ شاقىرۋىمەن تۇركياعا بارعانى حابارلانعان.


ءداستۇرلى انتاليا ديپلوماتيالىق فورۋمى 11-13 ناۋرىز ارالىعىندا وتەدى. فورۋمدا تالقىلاناتىن باس تاقىرىبىنىڭ ءبىرى – ۋكراينا-رەسەي سوعىسى. قاتىسۋشىلارعا ارناپ جۇما كۇنى تۇركيا پرەزيدەنتى رەجەپ ەردوعان سويلەپ جاتقاندا زالداعى قوناقتاردىڭ اراسىندا قازاقستاننىڭ بۇرىنعى پرەزيدەنتى نۇرسۇلتان نازاربايەۆ تا وتىردى. ونىڭ فورۋم اياسىندا قانداي دا ءبىر تالقىلاۋعا قاتىساتىنى-قاتىسپايتىنى بەلگىسىز. فورۋم سايتىنداعى قاتىسۋشىلار تىزىمىندە نازاربايەۆتىڭ ەسىمى جوق، نازاربايەۆتىڭ فورۋمعا قانداي ستاتۋستا بارعانى دا تۇسىنىكسىز.


قازاقستاننىڭ بۇرىنعى پرەزيدەنتى نۇرسۇلتان نازاربايەۆ كەمى 227 ادام كوز جۇمعان قاڭتار وقيعاسىنان سوڭ ەكى رەت كورىنگەن. بىرىندە "بيلىكتى تۇتاس پرەزيدەنت قاسىم-جومارت توقايەۆقا تاپسىرعانىن" ايتسا، ەكىنشى رەت "نۇر-وتان" پارتياسىنىڭ (بۇل پارتيا جاقىندا اتاۋىن "امانات" دەپ وزگەرتتى) كەزەكتەن تىس سەزىندە سويلەگەن.


بۇل - نازاربايەۆتىڭ قازاقستانداعى قاڭتار وقيعاسىنان كەيىنگى رەسمي حابارلانعان العاشقى شەتەلدىك ساپارى.


ول پرەزيدەنتتىك قىزمەتىن 2019 جىلى قاسىم-جومارت توقايەۆقا وتكىزىپ بەرگەن. 2021 جىلدىڭ ساۋىرىندە قازاقستان حالقى اسسامبلەياسى باسشىلىعىن دا، "نۇر وتان" ءتوراعالىعىن دا توقايەۆقا تاپسىرعان. ال بيىل قاڭتار وقيعاسى كەزىندە قاۋىپسىزدىك كەڭەسى توقايەۆتىڭ قولىنا ءوتتى.







[ad_2]

دەرەككوز
بۇل ماقالا تۋرالى نە ويلايسىز؟