ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"پرەزيدەنتتىڭ راقىمشىلىق جاساۋى – دۇرىس قادام!"

02 قىركۇيەك 2022 70
پرەزيدەنت قاسىم-جومارت توقايەۆ 1 قىركۇيەكتەگى جولداۋىندا قاڭتار وقيعاسىنا بايلانىستى ءىستى بولعاندارعا راقىمشىلىق جاريالادى. «اقيقات» قوعامدىق قورىنىڭ باسشىسى ايمان وماروۆانىڭ سوزىنشە، پرەزيدەنتتىڭ بۇل شەشىمى دۇرىس دەپ سانايدى.
– زاڭ سوزىمەن ايتقاندا راقىمشىلىق، ياعني سوتتالۋشىلارعا امنيستيا بەرىلەدى. بۇل – دۇرىس شەشىم. قاڭتار وقيعاسىنى بارىمىزگە بەلگىلى. حالىق ءۇشىن دە، ەل ءۇشىن دە قيىن جاعداي بولدى. شىنى كەرەك، باسىمىزدا مۇنداي نارسە وتپەگەن. ءتىپتى، شەتەلدىڭ وزىندە گيبريدتى سوعىس بولماعان. قۇقىققورعاۋ ورگاندارى مەن دەسترۋكتيۆتى توپتىڭ قوسىلىپ، اراسىنا حالىق كىرىپ كەتۋى – بۇكىل ەلدى دۇرىلىكتىردى. اراسىندا حالىقتىڭ بەيبىت شەرۋگە شىققانى دا راس. ءبىراق سونىڭ اراسىندا ءماجبۇرلى تۇردە، بىلمەستىكتەن ەكسترەميزم جاساعاندار دا بولدى. ولاردىڭ ىشىنە ستۋدەنتتەر، جاستار ىلىگىپ كەتتى. كەيبىرىنىڭ قانداي قىلمىس، نە ىستەگەنى بەينەجازبالاردا دا كورىنىپ تۇر. ولارعا پرەزۋمسيا قولدانۋ كەرەك. كۇماندانىپ سوتتاعاننان گورى، راقىمشىلىق دۇرىس. ءبارىن بىردەي سوتتاعانىمەن ەشكىمگە پايداسى جوق. تۇسىنبەي ەرىپ كەتكەن قانشاما جان بار.
تارتىپسىزدىكتەردى ۇيىمداستىرۋعا قاتىسقان باستى ايىپتالۋشىلارعا، سونداي-اق مەملەكەتكە وپاسىزدىق جاساعان جانە بيلىكتى كۇشپەن وزگەرتۋگە ارەكەت ەتكەن ايىپتالعاندارعا راقىمشىلىق جاسالمايدى. بۇل – زاڭ جاعىنان دا، مورال جاعىنان دا، ادامي جاعىنان دا دۇرىس. سوندىقتان پرەزيدەنتتىڭ بۇل قادامىن دۇرىس سانايمىن.

ايمان وماروۆا،

«اقيقات» قوعامدىق قورىنىڭ باسشىسى:
بۇل ماقالا تۋرالى نە ويلايسىز؟