فيلوسوفيا، ساياساتتانۋ جانە ءدىنتانۋ ينستيتۋتىنىڭ عالىم حاتشىسى
مەملەكەتتىڭ باستى بايلىعى - حالىق بولعاندىقتان، سول حالىقتىڭ جالپى الەۋمەتتىك ەكونوميكالىق باعىتىنا باستى نازار اۋدارىپ، حالىقتىڭ تۇرمىسىن ارتتىرۋ ماقساتىندا اۋقىمدى قادامدار جاسالىپ وتىر. پارالمەنتكە، ۇكىمەتتىڭ الدىنا ۇلكەن مىندەتتەر قويىلدى. اسىرەسە، مىنا جاستاردىڭ ءبىلىم سالاسىنا كوپ نازار اۋدارىلدى. جوعارعى سىنىپتاردىڭ جاراتىلىستانۋ، اعىلشىن پاندەرىنە دەن قويىلۋى – بۇل دا ءبىر ءبىلىم سالاسىنا بولىنگەن ايرىقشا نازاردىڭ ءبىرى دەپ ەسەپتەيمىن.
قاسىمحان بەگمانوۆ
قازاقستاننىڭ ەڭبەك سىڭىرگەن قايراتكەرى، اقىن
قازاقستان پرەزيدەنتى قاسىم-جومارت توقايەۆتىڭ حالىققا جولداۋىن وتە مۇقيات تىڭدادىم. نەگىزىنەن حالىققا قاراي وڭ وزگەرىستەر بار. بىرىنشىدەن مىنا سابيلەردىڭ، بالالاردىڭ 18 جاسقا دەيىن ۇلتتىق قوردان اقشا اۋدارىپ تۇراتىن جونىندەگى شەشىمى ماعان ۇنادى. ەكىنشىدەن، بىزدە ءقازىر قازاقستاندا جول ماسەلەسى وتكىر. جولدا كوپ جۇرەمىز. جەرگىلىكتى جەردەگى جولداردىڭ ءبارىن، جول ماسەلەسىنىڭ 95 پايىزىن 2025 جىلعا دەيىن جوندەيمىز دەگەن ناقتى شەشىمى دە ۇنادى. سوسىن شارۋاشىلىقتاعى 10 ميلليونعا دەيىنگى بوس جاتقان جەرلەردى، ءتۇرلى جولدارمەن الىپ العان جەرلەردى بيىل، كەلەسى جىلدىڭ سوڭىنا دەيىن مەملەكەتكە قايتادان قايتارۋ جونىندەگى ءشىشىمى ماعان قاتتى ۇنادى.
