مۋزىكالىق شوۋدىڭ ۇيىمداستىرۋشىلارىنىڭ ءبىرى الماس جاليدىڭ ايتۋىنشا، ەلدەگى ەڭ تانىمال ونشاقتى شىعارماشىلىق جاستار توبى مەن ورىنداۋشىلار كەلەتىن كونسەرت جەكە قاراجاتقا ۇيىمداستىرىلعان.
"قوستانايداعى ونەرپازداردىڭ ونەرىن تاماشالاۋعا قازاقستاننىڭ كوپتەگەن قالالارىنان مىڭداعان جاس كەلدى. ءبىر ايدا 16 مىڭ بيلەت ساتىلدى"، - دەپ جازدى ول Instagram پاراقشاسىندا.
ەستەرىڭىزگە سالا كەتەيىك، قوستانايدا جاقىن كۇندەرى ۇلت ۇستازى احاڭنىڭ احمەت بايتۇرسىن ۇلىنىڭ 150 جىلدىق مەرەيتوي ءوتۋى كەرەك ەدى. ءبىراق، اۋليەكول اۋدانىنىداعى ءورت سەبەبىنەن اتالمىش توي وتپەيتىن بولعان ەدى.
ورتتەن ءبىر ادام قايتىس بولىپ، كوپتەگەن ۇيلەر جانىپ كەتكەن. 2000-عا جۋىق ادام كوشىرىلگەن.
ەندى زاڭدى سۇراق تۋىندايدى. ءورت سەبەبىنەن ۇلت ۇستازىنىڭ تويى وتپەي قالعان قوستانايدا نەگە 16 مىڭ ادامدىڭ مۋزىكالىق شوۋ وتەدى؟ ەگەر سالعاستىرىپ قارار بولساڭىز احاڭنىڭ 150 جىلدىق تويى ەل ەڭسەسىن كوتەرەر مەرەيلى داتا ەمەس پە ەدى؟
م.اۋەلحان ۇلى، Alash.kz
