«توقايەۆتىڭ جولداۋىنان بەرى بىرنەشە كۇن ءوتتى. قوعامدا اسىرەسە پرەزيدەنت سايلاۋى مەن جەتى جىلدىق مەرزىمگە قاتىستى قىزۋ تالقىلاۋ ءجۇرىپ جاتىر. كەزەكتەن تىس پرەزيدەنت سايلاۋىن وتكىزۋ قاجەتتىلىگىنە نەگىزگى ارگۋمەنت رەتىندە رەفورمالار الدىندا پرەزيدەنت مانداتىن جاڭادان باستاۋ نەمەسە قايتادان راستاۋ قاجەتتىلىگى ايتىلادى. بىرىنشىدەن، توقايەۆقا ءوزىنىڭ كەڭەسشى سىماقتارىن تىڭداماۋ كەرەك ەدى. توقايەۆتىڭ اينالاسىنداعى بارلىق شەنەۋنىكتەر كەڭەستىك ينجەنەرلەر سياقتى. ولار نە جاساسا دا، تۇبىندە ءبارىبىر كالاشنيكوۆ اۆتوماتى شىعادى. ءقازىر دە سولاي، ولار كەزەكتەن تىس پرەزيدەنت سايلاۋى جانە كونستيتۋسيانى ءبىرجاقتى وزگەرتە سالۋ ارقىلى وكىلەتتىگىن ۇزارتۋدان باسقا ارتىق ەشتەڭە ويلاپ تاپپادى. نە ەكسەڭ، سونى وراسىڭ دەگەن وسى. ەكىنشىدەن، دۇرىس رەفورمالار جاساۋ ءۇشىن جاڭا ماندات قاجەت ەمەس. دۇرىس رەفورما جاساساڭ، ساعان دەگەن حالىقتىڭ سەنىمى ارتىپ، مانداتىڭ اۆتوماتتى تۇردە نىعايا تۇسەدى. سوندىقتان بۇل جاي عانا ءوز وكىلەتتىگىن ۇزارتۋدىڭ سىلتاۋى. ال بۇل توقايەۆقا دەگەن سەنىمدى تومەندەتەدى. قۇرمەتتى كەڭەسشىلەر، سىزدەر ارتىق قىلام دەپ تىرتىق قىلدىڭىزدار. پرەزيدەنت مىرزا، مۇنداي ساياسي كەڭەسشى سىماقتارىڭىزدى جەلكەلەپ قۋىپ شىعىڭىز»، — دەيدى كاسىپكەر.
كاسىپكەر توقايەۆتان كۇتەتىن ناقتى ارەكەتتەرگە توقتالدى.
«قالاي ىستەگەن دۇرىس بولار ەدى؟ 1. توقايەۆ «قولشوقپار» پارلامەنت ارقىلى بارلىق قاجەتتى زاڭداردى قابىلدايدى. «پارتيالار تۋرالى»، «سايلاۋ تۋرالى»، «ورتالىق سايلاۋ كوميسسياسى تۋرالى»، «تاۋەلسىز ب ا ق تۋرالى»، «ميتينگتەر مەن شەرۋلەر تۋرالى» جانە تاعى باسقا. 2. سودان سوڭ، توقايەۆ پارلامەنت سايلاۋى وتەتىنى جونىندە حابارلاپ، سايلاۋدى كەلەسى جىلدىڭ كۇزىنە قويادى. 3. كونستيتۋسياعا سايكەس 2024 جىلى ءوزى پرەزيدەنت سايلاۋىنا قاتىسادى. ەگەر ول ءدال وسىلاي ىستەگەندە، مەن ونىڭ جەڭىسكە جەتەتىنىنە 100% سەنىمدىمىن. ءبىراق بىرنارسە دۇرىس بولمادى. قازىرگى جاعداي ماعان مۇلدە ۇناپ تۇرعان جوق»، — دەدى مارعۇلان سەيسەمباي.
