پاۆلودار وبلىسىندا اۋداندىق جەر قاتىناستارى ءبولىمىنىڭ باسشىسى سوتتالىپ، ءۇش جىل تۇرمەگە توعىتىلدى. سونىمەن قاتار، مەملەكەتكە كەلتىرىلگەن 80 ملن تەڭگەگە جۋىق شىعىندى وتەۋ مىندەتتەلدى، دەپ حابارلايدى Alash.KZ ۇلتتىق پورتالى.
مەملەكەتتىك قىزمەتكەر ەرتىس اۋدانىنداعى اۋىلدىق وكرۋگكە تيەسىلى 3 مىڭ گەكتار جەردىڭ قۇجاتىن اۋىل شارۋاشىلىعى ماقساتىندا پايدالانۋعا بولادى دەپ بازاعا جالعان مالىمەت تولتىرىپ، ءىرى شارۋاشىلىق يەسىنە بەرىپ جىبەرەدى. ال بۇرىن بۇل ۋچاسكەلەرگە مالىن باققان اۋىل تۇرعىندارى جايىلىمسىز قالعان.
پاۆلودار وبلىسى پروكۋراتۋراسى قوعامدىق مۇددەلەردى قورعاۋ دەپارتامەنتىنىڭ اعا پروكۋرورى ابىلاي كوشەربايەۆتىڭ ايتۋىنشا، مۇنداي ارەكەتتەردىڭ ناتيجەسىندە مەملەكەتكە جەردى جالعا الۋ سوماسى 80 ملن تەڭگەگە تومەندەتۋ تۇرىندە زالال كەلتىرىلدى.
پروكۋرورلىق قاداعالاۋ اكتىسى بويىنشا جەرلەر مەملەكەتكە قايتارىلدى جانە ءقازىر جەرگىلىكتى حالىقتىڭ ورتاق پايدالانۋىنا بەرىلگەن.
