ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ەكس-مينيستر باعدات مۋسين اقش-تا نە ىستەپ جۇرگەنىن ايتتى

30 مامىر 2024 173

بۇرىنعى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين  ينستاگرام پاراقشاسىندا الداعى جوسپارىمەن ءبولىستى، دەپ حابارلايدى Alash.kz.

ول ءوز پاراقشاسىندا بىرنەشە كۇننەن بەرى اقش-تا جۇرگەنىن باياندادى.

– بىرىنشىدەن، كەز كەلگەن كاسىبي مامان سياقتى، ارينە، مەنى تەحنولوگيالىق دامۋدىڭ شىڭىندا جۇرگەن قىزىقتىرادى. سوندىقتان مەن وسى كۇندەرى Bay Area-دا وتەتىن بىرنەشە ءىس-شارالارعا قاتىسامىن.

سونداي-اق، ءبىز قىزىمىزدى ونىڭ ءجاسوسپىرىم ومىرىندەگى قىزىقتى وقيعالاردىڭ بىرىندە قولداۋعا كەلدىك. ءبىزدىڭ كىشى قىزىمىزدىڭ مەكتەبىنىڭ روبوتوتەحنيكا كومانداسى جارىستارعا قاتىسادى. ساتتىلىك تىلەيمىز! – دەپ جازادى مۋسين.

ول الداعى كۇندەرگە قويىلعان ءوز جوسپارىمەن ءبولىستى.

– ءداستۇر بويىنشا، ءارتۇرلى الەۋمەتتىك باستامالاردى تالقىلاۋ ءۇشىن Digital Nomads-پەن (ءبىزدىڭ ايماقتىڭ جەرگىلىكتى تۇرعىندارىمەن) كەزدەسەمىن. كەزدەسۋ ءبىز جاساعان Silkroad innovation hub قابىرعاسىندا وتەدى، - دەدى بۇرىنعى مينيستر.

الەم چەمپيوناتىنىڭ فينالىنا قاتىستى ماسەلەلەردى دە شەشەتىنىن جاسىرمادى.

– مەن ەلىمىزدىڭ سپورتتىق باعدارلامالاۋ فەدەراسياسىنىڭ باسشىسى بولعاندىقتان، وسى جىلدىڭ قىركۇيەك ايىندا استانادا زياتكەرلىك سپورت تۇرىنەن الەم چەمپيوناتىنىڭ فينالىن (سپورتتىق باعدارلامالاۋ) وتكىزۋگە قاتىستى بىرنەشە ۇيىمداستىرۋشىلىق ماسەلەلەردى شەشەمىن. ول ءۇشىن ICPC باسشىسى بيلل پاۋچەرمەن جانە ونىڭ كومانداسىمەن كەزدەسەمىن، - دەپ اتاپ ءوتتى مۋسين.

بۇل ماقالا تۋرالى نە ويلايسىز؟