ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

پارتيا جەڭىسىن تويلاۋ بارىسىندا ءتوراعا ورىنباسارى قايتىس بولدى

02 ءساۋىر 2024 180

تۇركيادا وپپوزيسيالىق رەسپۋبليكالىق حالىق پارتياسىنىڭ (رحپ) سايلاۋداعى جەڭىسىن تويلاۋ كەزىندە ءتوراعا ورىنباسارى مەحمەت پالاز قايتىس بولدى، دەپ حابارلايدى ربك.

تۇرىكتىڭ بۇقارالىق اقپارات قۇرالدارىنا سىلتەمە جاساعان باسىلىم جازۋىنا قاراعاندا، قازا بولعان مەحمەت پالاز دەنيزلي پروۆينسياسىنداعى تاۆاس وكرۋگىندە رحپ فيليالى ءتوراعاسىنىڭ ورىنباسارى بولعان. پارتيا مۇشەسى كادير تاتيكتىڭ تاۆاس وكرۋگىندەگى سايلاۋداعى جەڭىسىنەن كەيىن ونىڭ جاقتاستارى بۇل وقيعانى پارتيا عيماراتىنىڭ الدىنداعى كوشەدە تويلاي باستاعان.

جۇرتتىڭ ءبىر بولىگى عيماراتتىڭ ەكىنشى قاباتىنا كوتەرىلىپ، بالكوندارعا شىققاندا، ەكى بالكوننىڭ ءبىرى قۇلاپ كەتكەن. سەگىز ادام زارداپ شەكتى، ولاردىڭ ۇشەۋى اۋىر جاراقات الدى. زارداپ شەككەندەردىڭ اراسىندا مەحمەت پالاز بولعان. ول باسىنان جاراقات الىپ، اۋرۋحاناعا جاتقىزىلدى. 1 ساۋىردە تاڭەرتەڭ پالاز قايتىس بولدى.

بۇل ماقالا تۋرالى نە ويلايسىز؟