ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

وزبەكستان قازاقستان ارقىلى رەسەي گازىن يمپورتتاۋ كولەمىن ۇلعايتپاق

28 ناۋرىز 2024 220

وزبەكستان بيلىگى 2024 جىلى رەسەي گازىن قازاقستان ارقىلى وزبەكستانعا تاسىمالداۋ كولەمىن وتكەن جىلمەن سالىستىرعاندا 3 ەسەگە جۋىق ارتتىرادى. 

«گازپروم مەن قازاقستان رەسپۋبليكاسىنىڭ ۇكىمەتى اراسىنداعى ستراتەگيالىق ىنتىماقتاستىق تۋرالى قول قويىلعان كەلىسىم اياسىندا رەسەي گازىن وزبەكستانعا تاسىمالداۋدىڭ جىلدىق كولەمىن 2023 جىلعى 1،28 ميلليارد تەكشە مەتردەن 2024 جىلى 3،8 ميلليارد تەكشە مەترگە دەيىن ۇلعايتۋ جوسپارلانعان»، - دەپ اتاپ ءوتتى ق ر ەنەرگەتيكا مينيسترلىگى.

2023 جىلدىڭ 7 قازانىندا ءۇش ەلدىڭ پرەزيدەنتتەرى رەسەيلىك تابيعي گازدى قازاقستان اۋماعى ارقىلى «ورتالىق ازيا – ورتالىق» گاز قۇبىرى ارقىلى وزبەكستانعا تاسىمالداۋدى باستادى.

UzGasTrade مەن گازپروم اراسىنداعى كەلىسىمگە سايكەس، تاۋلىكتىك جەتكىزىلىم 9 ميلليون تەكشە مەتردى نەمەسە جىلىنا 2،8 ميلليارد تەكشە مەتردى قۇرايدى. مۇنداي كولەم،شامامەن 448 ميلليون دوللاردى قۇرايدى، ياعني 1000 تەكشە مەتر گاز ءۇشىن 160 دوللار، دەپ جازادى كوممەرسانت.

2026 جىلدان باستاپ جەتكىزۋدى جىلىنا 3 ميلليارد تەكشە مەتردەن 11 ميلليارد تەكشە مەترگە دەيىن ارتتىرۋ جوسپارلانعان بولاتىن.

بۇل ماقالا تۋرالى نە ويلايسىز؟