پاكىستان قىرعىزستاننان 180 ستۋدەنتتى ارنايى ۇشاقپەن تاسىمالدادى. «KA571 ارنايى رەيسى قىرعىزستاننان 180 پاكىستاندىق ستۋدەنتتىڭ العاشقى پارتياسىن اكەلىپ، لاحور اۋەجايىنا امان-ەسەن قوندى»، - دەلىنگەن PTV News الەۋمەتتىك جەلىدەگى اككاۋنتىندا، - دەپ حابارلايدى Alash.kz سايتى Arbat.media-عا سىلتەپ.
PTV News ارناسىنىڭ حابارلاۋىنشا، ستۋدەنتتەردى اۋەجايدا فەدەرالدىق ىشكى ىستەر ءمينيسترى قارسى العان.
18 مامىردا بىشكەكتە شەتەلدىكتەر قاتىسقان جاپپاي توبەلەس بولدى. ول 13 مامىردا جاتاقحانا قوناقتارى اراسىنداعى جانجالدان باستالعان.
كەيىن قىرعىزستان ۇلتتىق قاۋىپسىزدىك مەملەكەتتىك كوميتەتىنىڭ ءتوراعاسى قامچىبەك تاشييەۆ بىشكەكتەگى تۇنگى وقيعاعا قاتىستى تۇسىنىكتەمە بەردى. وقيعا سالدارىنان 29 ادام مەديسينالىق كومەككە جۇگىنسە، ونىڭ 15ء-ى ەل استاناسىنىڭ ەمدەۋ مەكەمەلەرىنە جەتكىزىلگەن.
قىرعىز رەسپۋبليكاسىنىڭ مينيسترلەر كابينەتى بىشكەكتەگى تۇنگى وقيعادان كەيىن مالىمدەمە جاساپ، وندا ۇلتارالىق زورلىق-زومبىلىق پەن تارتىپسىزدىك تۋدىرۋ ارەكەتتەرىن قاتاڭ ايىپتادى.
پاكىستان پرەمەر-مينيسترى شاحباز شاريف بىشكەكتە شەتەلدىك ازاماتتارعا قاتىستى وقيعاعا الاڭداۋشىلىق ءبىلدىردى.
قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى قىرعىزستاننان قازاقستانعا كەتۋدى جوسپارلاپ وتىرعان شەتەلدىك ستۋدەنتتەر تۋرالى اقپاراتتى جوققا شىعاردى.
