ورىنبور ولىسىنداعى جايىق (ۋرال) وزەنىندەگى سۋ دەڭگەيى 864 سم-گە جەتتى، ءقاۋىپتى بەلگىگە 66 سم عانا قالدى. وبلىستا فەدەرالدىق سيپاتتاعى توتەنشە جاعداي ەنگىزىلدى.
كەيىنگى دەرەكتەر بويىنشا، 10 168 ءتۇرعىنۇي سۋ استىندا قالدى، دەپ حابارلادى ريا نوۆوستي باسىلىمى.
47 كوپىردەگى قوزعالىس توقتاتىلدى. دەسە دە فەدەرالدىق تاس جولداردا قوزعالىس شەكتەلگەن جوق. سۋ استىندا قالعان ورسك قالاسىنىڭ بيلىگى ءتورت ادام قازا تاپقانىن حابارلادى: ەكى ادامنىڭ جۇرەگى توقتاپ قالعان، بىرەۋى تابيعي جولمەن ولسە، تاعى ءبىرى سۋيسيد جاساعان.
ورسك اۋرۋحانالارىندا جوسپارلى مەديسينالىق كومەك كورسەتۋ توقتاتىلدى. 8 ساۋىردەن باستاپ بارلىق مەكتەپ قاشىقتان وقىتۋعا كوشتى.
ورسك مۇناي وڭدەۋ زاۋىتى “ەكولوگيالىق قاۋىپتەن قورعانۋ جانە قاۋىپسىزدىك تەحنيكاسىن ساقتاۋ ماقساتىندا” جۇمىسىن توقتاتتى.