بۇل تۋرالى "قازاۆتوجول" مەكەمەسى حابارلادى.
حالىقارالىق جانە رەسپۋبليكالىق ماڭىزى بار اۆتوموبيل جولدارىندا اۋا-رايىنىڭ جىلىنۋى مەن قاردىڭ تەز ەرۋى سالدارىنان 5 وبلىستا جول جابىلدى.
"اقمولا، اتىراۋ، سقو، پاۆلودار، قوستاناي وبلىستارىندا 10 جول ءجۇرۋ ۋچاسكەسىندە جالپى ۇزىندىعى 3910 مەتر بولاتىن سۋ تاسقىنى بولدى. 7 وبلىستاعى (اقتوبە، اقمولا، اتىراۋ، قوستاناي، پاۆلودار، ماڭعىستاۋ، سقو) رەسپۋبليكالىق ماڭىزى بار 17 اۆتوموبيل جولدارىندا (ۇزىندىعى 801 كم) قوزعالىسقا شەكتەۋ قويىلدى. قازىرگى تاڭدا رەسپۋبليكالىق جولداردا 297 بىرلىك تەحنيكا مەن 385 ادام جۇمىلدىرىلعان"، - دەلىنگەن حابارلامادا.