ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بيشىمبايەۆ ايتقان رايىمبەك كىم: نەگە باتالوۆا بۇعان جاۋاپ بەردى؟

02 ءساۋىر 2024 726

كەشەگى وتكەن سالتانات نۇكەنوۆانىڭ ولىمىنە قاتىستى وتكەن سوت وتىرىسىندا سوتتالۋشى قۋاندىق بيشىمبايەۆ مارقۇم ايەلىنىڭ ءىرى كاسىپكەر رايىمبەك باتالوۆتىڭ كوڭىلدەسى بولدى دەپ ايىپ تاققان ەدى. كاسىپكەر رايىمبەك باتالوۆتىڭ ايەلى لەنارا باتالوۆا بيشىمبايەۆ ىسىنە قاتىستى پىكىر ءبىلدىردى، - دەپ حابارلايدى Alash.kz.

«رايىمبەك ەسىمدى» دەپ اتاعان بيشىمبايەۆتىڭ بۇل مالىمدەمەسىنەن كەيىن حالىق بۇل ادامدى رايىمبەك باتالوۆ دەپ توپشالاعان. كەيىن حالىق ونىڭ ايەلى لەنەرا باتالوۆانىڭ ينستاگرام پاراقشاسىنا «شابۋىل» جاساپ، مالىمدەمە بەرۋدى تالاپ ەتتى. سۋرەتتەرىنىڭ استىنا كۇيەۋى تۋرالى جامان پىكىرلەر قالدىرعان وقىرماندارعا جاۋاپ بەردى.

"مەن بولعان جايتقا قاتىستى پىكىر بىلدىرسەم دەپ ەدىم. سەبەبى مەنىڭ ينستاگرامىم "جارىلايىن" دەپ تۇر. كەشە ەل بولىپ اتىشۋلى پروسەسكە كۋا بولدىق. پروسەسس 1 ساۋىرگە سايكەس كەلىپ قالدى. ونىڭ مازمۇنى دا سوعان ساي بولعان سەكىلدى. ءبىز اتىشۋلى ءىستى ەمەس، "پۋست گوۆوريات" شوۋىن كورىپ وتىرعانداي بولدىق. سوتتا مەنىڭ وتباسىمنىڭ ابىرويىنا نۇقسان كەلتىرگەن نەگىزسىز، ويعا قونىمسىز نارسەلەرگە قاتىستى نە دەرىمدى بىلمەيمىن. سالتاناتتىڭ جاقىندارىنا سابىر مەن كۇش-قۋات تىلەيمىن جانە ادىلدىك ورنايدى دەپ سەنەمىن. ءبىز سىزدەرمەن بىرگەمىز"، - دەيدى لەنارا باتالوۆا.

بۇل ماقالا تۋرالى نە ويلايسىز؟