ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

باس پروكۋراتۋرا: پروكۋرورلار سۋ تاسقىنىنا قاتىستى سوتقا دەيىنگى تەرگەپ-تەكسەرۋ ءىسىن باستادى

06 ءساۋىر 2024 190
قازاقستان باس پروكۋراتۋراسى سۋ تاسقىنىنا قاتىستى مالىمدەمە جاساپ،بيۋدجەت قاراجاتىنىڭ ماقساتتى جۇمسالىپ-جۇمسالماۋى، سۋ تاسقىنىنىڭ الدىن الۋ جونىندەگى جوسپارلاردىڭ ورىندالىپ-ورىندالماعانىنا قاتىستى تەكسەرىس جۇرگىزىپ جاتقانىن حابارلادى، دەپ جازادى Alash.KZ ۇلتتىق پورتالى. 
 
مەملەكەت باسشىسىنىڭ تاپسىرماسى بويىنشا بۇگىنگى كۇنى جەرگىلىكتى نەگىزدە توتەنشە جاعداي رەجيمى جاريالاندى. 10 وبلىستا ۋاكىلەتتى مەملەكەتتىك ورگاندار سالدارلاردى جويۋ جانە ازايتۋ، جاڭا اۋماقتاردى سۋ باسۋعا جول بەرمەۋ جونىندە شارالار قابىلداپ جاتىر.  اۆاريالىق-قۇتقارۋ جۇمىستارىنا تجم، ءىىم، اكىمدىكتەر مەن باسقا دا قىزمەتتەردىڭ 10 مىڭنان استام قىزمەتكەرى جۇمىلدىرىلدى.

پروكۋراتۋرا ورگاندارى ناقتى ەلدى مەكەندەردى سۋ باسۋ، جولداردىڭ، كوپىرلەردىڭ، گيدروتەحنيكالىق جانە باسقا دا وبەكتىلەردىڭ قيراۋ سەبەپتەرىن انىقتايدى.  اتاپ ايتقاندا، بيۋدجەت قاراجاتىنىڭ ماقساتتى جۇمسالىپ-جۇمسالماۋى، سۋ تاسقىنىنىڭ الدىن الۋ جونىندەگى جوسپارلاردىڭ ورىندالىپ-ورىندالماعانى زەرتتەلىپ جاتىر،- دەلىنگەن مالىمدەمەدە. 
باس پروكۋراتۋرا زەرتتەۋ قورىتىندىسى بويىنشا ءاربىر ۋاكىلەتتى ورگاننىڭ قىزمەتىنە ءتيىستى قۇقىقتىق باعا بەرىلەتىنىن ايتتى. 
بۇگىنگى تاڭدا پروكۋرورلار اقتوبە، الماتى جانە اتىراۋ وبلىستارىندا سوتقا دەيىنگى 4 تەرگەپ-تەكسەرۋدى باستادى.  جەرگىلىكتى جەرلەردەگى پروكۋرورلار قۇقىق قورعاۋ ورگاندارىنىڭ زاڭدىلىق پەن قۇقىقتىق ءتارتىپ رەجيمىن قامتاماسىز ەتۋ جونىندەگى قىزمەتىن ۇيلەستىرەدى... جەرگىلىكتى اتقارۋشى ورگاندار ءبىرجولعى ماتەريالدىق كومەك تولەۋگە كىرىستى. ق ر باس پروكۋراتۋراسى
بۇل ماقالا تۋرالى نە ويلايسىز؟