ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ورالدىڭ ماڭىنداعى ساياجايلار سۋ استىندا قالدى

21 ءساۋىر 2024 301

ورال قالاسى تج باسقارماسىنىڭ باستىعى امانگەلدى ەشمۇحانوۆتىڭ ءمالىم ەتكەنىندەي، بۇگىن زاچاگان كەنتىندەگى جايىق وزەنى جايىلماسىندا ورنالاسقان «ستەنوۆيك» باۋ-باقشا سەرىكتەستىگىندە قالعان ادامداردى ەۆاكۋاسيالاۋ جۇمىستارى جۇرگىزىلۋدە.

ونىڭ سوزىنە قاراعاندا، مۇندا 820 جەر تەلىمى بار.

«اتالعان باۋ-باقشا سەرىكتەستىگىندە 190 وتباسى قىسى-جازى تۇرادى. مۇنداعى تۇرعىنداردىڭ باسىم بولىگى الدىن الا كوشىرىلدى. ءوز ءۇيى مەن جەر تەلىمدەرىن كۇزەتكەن ساناۋلى ادامدار قالعان. قازىرگى كەزدە بقو پوليسيا دەپارتامەنتىمەن بىرگە ولاردى ءماجبۇرلى تۇردە ەۆاكۋاسيالاۋ جۇرگىزىلۋدە»، دەدى ا.ەشمۇحانوۆ.

بقو تج دەپارتامەنتىنىڭ باسپا ءسوز قىزمەتىنەن الىنعان مالىمەتكە قاراعاندا، وڭىردە اپاتتىق-قۇتقارۋ جۇمىستارىنا 10 663 ادام، 1 927 تەحنيكا، 213 سۋ سورۋ قۇرالى، 197 قايىق جانە 5 تىكۇشاق جۇمىلدىرىلعان.

بۇدان بۇرىن باتىس قازاقستاندا 3 300-گە جۋىق ساياجاي ءۇيى سۋعا كەتكەنىن، سونىڭ 2 921ء-ى ورال قالاسىنداعى وزەن جايىلمالارىندا ورنالاسقان بولاتىن. 

سونداي-اق ورال قالاسىندا جايىقتاعى سۋ دەڭگەيى ءقاۋىپتى شەكتەن اسىپ كەتتى.

بۇل ماقالا تۋرالى نە ويلايسىز؟