ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

نازاربايەۆ پەندەشىلىككە بوي الدىردى - ءاليحان بايمەنوۆ

22 اقپان 2022 120

«اق جول» پارتياسىنىڭ قۇرىلتايشىسى ءاليحان بايمەنوۆ ەلباسى نۇرسۇلتان نازاربايەۆ تاريحتا كىم بولىپ قالاتىنى تۋرالى ايتتى.

ول قاسقا جول باعدارلامسىنا بەرگەن سۇحباتىندا نازاربايەۆتىڭ ەڭبەگىن ەلەمەۋگە بولمايتىنىن مالىمدەدى.

«1991-1995 جىلدارى ول كىسىنىڭ كوشباسشىلىعى ماڭىزدى بولدى. تاۋەلسىزدىك العاننان ءبىر جىل بۇرىن ماسكەۋدە وتكەن كسرو حالىق دەپۋتاتتارىنىڭ سەزى كەزىندە ول تەك قازاقستان ەمەس، كسرو-عا كىرەتىن باسقا ەلدەرگە تانىمال بولدى. سودان ول بەدەل جينادى، ونىڭ ىشىندە رەسەي حالقىنىڭ الدىندا دا. سول جىلدارى نازاربايەۆ رەسەيمەن قارىم-قاتىناس ورناتىپ، ءبىزدىڭ ىشكى شيكىزات سالاسىنا ءىرى الپاۋىت مەملەكەتتەردىڭ كىرۋى ارقىلى ىشكى تۇراقتىلىقتىڭ مۇددەسىنە دە جۇمىس جاسادى. ۇشىنشىدەن، ول كورشى ەلدەرمەن شەكارانى بەكىتە الدى. 1997 جىلى استانانى الماتىدان استاناعا اۋىستىرۋى – نازاربايەۆتىڭ ەڭبەگى» دەدى ءاليحان بايمەنوۆ.

قوعام قايراتكەرىنىڭ ايتۋىنشا، 1995 جىلدان باستاپ تۇڭعىش پرەزيدەنت پەندەشىلىككە بوي الدىرعان.

«1995 جىلدان باستاپ ول كىسىدە تەجەگىش كۇشتەر بولماي، پەندەشىلىككە بوي الدىرا باستادى.

كەزىندە قىتايلىقتار ماو سزەدۋننىڭ ەڭبەگىن ۇشتەن ەكى، ۇشتەن ءبىر دەپ باعالاعان. سول سەكىلدى باستاپقى كەزەڭدەگى ول كىسىنىڭ ەڭبەگىن ەشكىم جوققا شىعارا الماس. ول ادىلەتسىزدىك بولار.

ال ءبىراق ودان كەيىن پەندەلىك قىزىقتارىنىڭ الدىندا ءوزىن-وزى تەجەي الماۋى سول كىسىنىڭ بۇرىنعى ەڭبەكتەرىنىڭ ءبىرازىن شايىپ كەتتى» دەپ قورىتىندىلادى قوعام قايراتكەرى.

[embed]https://www.youtube.com/watch؟v=PFHTBGcBDlQ[/embed]



دەرەككوز
بۇل ماقالا تۋرالى نە ويلايسىز؟