ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ناتو ۋكرايناداعى سەپاراتيستىك رەسپۋبليكالاردىڭ تاۋەلسىزدىگىن مويىنداعان رەسەيدى ايىپتادى

22 اقپان 2022 111
[ad_1]



ناتو باس حاتشىسى يەنس ستولتەنبەرگ رەسەيدىڭ ۋكراينا شىعىسىنداعى "لۋگانسك حالىق رەسپۋبليكاسى" جانە "دونەسك حالىق رەسپۋبليكاسىنىڭ" تاۋەلسىزدىگىن مويىنداۋ تۋرالى شەشىمىن ايىپتادى.


21 اقپان كۇنگى مالىمدەمەسىندە ستولتەنبەرگ پرەزيدەنت ۆلاديمير ءپۋتيننىڭ شەشىمى "ۋكراينانىڭ تاۋەلسىزدىگى مەن تەرريتوريالىق تۇتاستىعىنا نۇقسان كەلتىرىپ، قاقتىعىستى شەشۋگە جۇمسالعان بار كۇش-جىگەردى زايا ەتەدى جانە [اتىستى توقتاتۋ] تۋرالى مينسك كەلىسىمىنىڭ شارتتارىن بۇزادى" دەدى.


ناتو، اقش پەن باتىس جەتەكشىلەرى رەسەيدى ناتو-عا قوسىلعىسى كەلگەن ۋكراينانى باسىپ الۋعا تىرىستى دەپ ايىپتاعان. ۋكراينامەن شەكاراسىنا 150 مىڭ اسكەرىن ورنالاستىرعان ماسكەۋ شابۋىل جوسپارىن جوققا شىعارىپ، ناتو مەن باتىستى ايماقتا جاعدايدى تۇراقسىزداندىردى دەپ كىنالاعان. جۋىردا ماسكەۋ ناتو-نىڭ ۋكراينانى سولتۇستىكاتلانتيكالىق وداققا مۇشە رەتىندە قابىلدامايتىنى تۋرالى ۋادەسىن الۋعا تىرىسقان جانە شىعىس ەۋروپادان قارۋ-جاراعى مەن ينفراقۇرىلىمىن الىپ كەتۋ تۋرالى دا تالاپ قويعان.


21 اقپاندا ۋكرايناداعى سەپاراتيستىك ايماقتاردىڭ "تاۋەلسىزدىگىن" مويىنداۋ تۋرالى شەشىمىن جاريالاعان پۋتين ناتو ماسكەۋدىڭ قاۋىپسىزدىك تالاپتارىن "تۇتاس ەسكەرۋسىز قالدىردى" دەپ مالىمدەدى.


"ماسكەۋ سەپاراتيستەردى قارجىلىق جانە اسكەري تۇرعىدا قولداپ، ۋكراينا شىعىسىنداعى قاقتىعىستى ۋشىقتىرۋىن تىيمادى. ول سونىمەن بىرگە ۋكراينانى قايتا باسىپ الۋ ءۇشىن سىلتاۋ ىزدەپ وتىر" دەدى ستولتەنبەرگ.







[ad_2]

دەرەككوز
بۇل ماقالا تۋرالى نە ويلايسىز؟