ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"بەيبىت حالىققا وق اتقان مەرگەندەر كىمدەر؟": بايمەنوۆ جاۋاپ بەردى

22 اقپان 2022 118
 



قوعام قايراتكەرى ءاليحان بايمەنوۆ Qasqa Jol جوباسىنا سۇحبات بەرىپ، قاڭتار وقيعاسىنا قاتىستى تەرگەۋلەر تۋرالى پىكىر ءبىلدىردى.

ءاليحان بايمەنوۆتىڭ ايتۋىنشا، ەڭ الدىمەن بەيبىت حالىققا وق اتقانداردى تەرگەۋ كەرەك.
– ءقازىر كوشەگە شىققان حالىقتى تەرگەپ جاتىر. ال وق اتقان مەرگەندەر كىمدەر، بەيبىت حالىق قانداي وقتان قازا تاپتى؟ قانداي وق، قانداي ماقساتپەن اتىلدى؟ وسىنى زەرتتەپ، كىنالىلەردى جاۋاپكەرشىلىككە تارتۋ كەرەك. ەكىنشى جاعىنان، قۇقىق قورعاۋ جۇيەسىندەگى ۇلكەن رەفورمادا پوليسيانى تاربيەلەۋ جۇمىسىنا كوپ ءمان بەرۋىمىز كەرەك، – دەدى قوعام قايراتكەرى.

سۇحبات بارىسىندا بايمەنوۆ وزىنە حاليفات قۇرۋعا ۇسىنىس جاساعاندار بولعانىن ايتتى.
– 2005 جىلى سايلاۋ الدىندا ماعان ءۇش-تورت ادام كەلدى. ءسىزدىڭ اكەڭىز يمام بولعانىن بىلەمىز، حاليفات قۇرۋعا قالاي قارايسىز دەدى. مەن قارسىمىن دەدىم. مورالدىق تۇرعىدان العاندا ءدىن باسشىسىنا قويىلاتىن تالاپ مەملەكەت باسشىسىنا قويىلاتىن تالاپتان جوعارى ەكەنىن ايتتىم. ءبىز يراندى، باسقانى كورىپ وتىرمىز. ەگەر 100 ادامدى جيناپ ءبىزدىڭ ءمۇفتيات وكىلدەرىمەن قاتار قويساڭ، ادامداردى تارتىپ اكەتۋى مۇمكىن، – دەدى ول.





دەرەككوز
بۇل ماقالا تۋرالى نە ويلايسىز؟