ءومىرىن عىلىم مەن بايلانىستىرعان ول ماگيستراتۋراعا يتاليانىڭ لا ساپەنزا (La Sapienza) ۋنيۆەرسيتەتىنە گەوپوليتيكا جانە الەمدىك قاۋىپسىزدىك ماماندىعىنا تۇسەدى. بۇل مۇلدەم جات سالا بولعاندىقتان قانشا قينالسادا وقۋىن جاقسى ناتيجەمەن اياقتاپ وتانعا ورالادى دا استاناداعى ۇلتتىق عارىش ورتالىعىنا جۇمىسقا ورنالاسادى.
وسى كومپانيادا 5 جىل جۇمىس جاساپ ەكى ۇلكەن جوباعا قاتىسادى: الىستان باسقارىلاتىن جاساندى سەرىك (سپۋتنيك) جاساۋ، زىمران قۇراستىرۋ جانە سپۋتنيك باسقارۋ جۇيەسى.
وسىدان سوڭ بولاشاق باعدارلاماسى مەن گەرمانياداعى ايگىلى IABG كومپانياسىندا "عارىشتىق جۇيەلەردى سىناۋ ورتالىعىنىڭ ينجەنەر" ماماندىعىن الىپتى
وسى جەردە ىستەي ءجۇرىپ، اپتا سوڭىندا ساباققا قاتىسىپ ءجۇرىپ، اتاقتى UC Berkeley ۋنيۆەرسيتەتىنەن MBA (بيزنەس) وقىپ الىپتى.
ەندى بولاشاق باعدارلاماسى مەن كەتكەن سوڭ قايتىپ كەلىپ كەم دەگەندە ءۇش جىل ەلىمىزدە قىزمەت وتەۋ كەرەك قوي، زاڭ بويىنشا. ول زاڭنان اتتاماي 3 جىل استانادا بۇرىنعى جۇمىسىن جالعاستىرىپتى.
ءسويتىپ جۇرگەندە جاڭاعى الەمدىك اەروعارىش كومپانياسىنان شاقىرتۋ الىپتى.
بار ارمانىم "وسى لوندوندا 5-6 جىل جۇمىس ىستەپ، تاجىريبە جيناپ، ەلگە قايتىپ كەلىپ ورتالىق ازياداعى تۇركى تىلدەس ەلدەردىڭ عارىش سالاسىن دامىتقىم كەلەدى" دەپ جازعان ەكەن ساپار ساتاي ۇلى.
ءبىز دە ءوز تاراپىمىزدان ەلىم دەگەن وتانشىل ۇلدىڭ عىلىم جولىنداعى ساپارىنا ساتتىلىك تىلەيمىز.
جەكسەن توقتارباي
https://youtu.be/8OsJVATJl-c
