ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ماسكەۋ پوليسيا بولىمىندە تەراكتىگە قاتىسى بار دەپ تانىلعان كۇدىكتى قايتىس بولدى

02 ءساۋىر 2024 545

كروكۋستاعى لاڭكەستىك ارەكەتتەن كەيىن ۇستالعان شەشەنستاننىڭ تۋماسى اسحاب ۋسپانوۆ ماسكەۋ پوليسيا بولىمىندە قايتىس بولدى، دەپ حابارلايدى Alash.kz سايتى 1ADAT تەلەگرام ارناسىنا سىلتەمە جاساپ.

  • ۋسپانوۆ ايەلىنىڭ جۇمىس ورنىنا بارا جاتقان كەزدە پوليسيا قىزمەتكەرلەرىنە ۇستالعانىن باياندادى. كەيىن ايەلىنە قوڭىراۋ شالىپ، بولىمشەگە كەلۋىن وتىنگەن.
  • ۋسپانوۆتىڭ ايەلى پوليسياعا ەكى ساعاتتان كەيىن بارعان. بارلىعى كەش ەدى، سەبەبى كۇيەۋى بولىمشەدە قايتىس بولعان.
  • اسحاب ۋسپانوۆ شەشەنستاندا جەرلەنگەن. اناسىنىڭ ايتۋىنشا، ونىڭ كروكۋستاعى تەراكتىگە قاتىسى بولۋى مۇمكىن ەمەس ەدى.

1ADAT تەلەگرام كانالى ءسال وزگەشە دەرەكتەردى ۇسىنادى:

  • تەراكتىدەن كەيىنگى ءتۇنى ۋسپانوۆ ايالدامادا تۇرعان ساتىندە وعان بەتپەردە كيگەن ادامدار شابۋىل جاساعان. ولاردىڭ قانداي ادامدار ەكەنىن تۇسىنبەگەندىكتەن قارسىلىق كورسەتكەن.
  • كەيىنىرەك ولار قۇقىق قورعاۋ ورگانىنىڭ قىزمەتكەرلەرى ەكەنى بەلگىلى بولدى. ولار ۋسپانوۆتى لاڭكەستىك ارەكەتكە قاتىسى بار دەگەن كۇدىكپەن ۇستاپ اكەتكەن.
  • جاۋاپ الۋ كەزىندە قۇقىق قورعاۋ ورگاندارى ازاپتاۋ فاكتىسىن قولدانعان. وعان دالەل، ۋسپانوۆتىڭ قابىرعالارى مەن ومىرتقاسى سىنعان، سونىمەن قاتار ونىڭ دەنەسىندە گەماتوما بەلگىلەرى انىقتالدى.
بۇل ماقالا تۋرالى نە ويلايسىز؟