ساكەن ماماشتىڭ جۇبايى كوپ جىلعى ازابىنا قاتىستى جانتۇرشىگەرلىك جاعدايدى ەگجەي-تەگجەيلى ايتىپ بەردى. استانا پوليسياسى قازاقستاننىڭ بىرىككەن اراب امىرلىكتەرىندەگى ەلشىلىگىنىڭ كەڭەسشىسىنە قاتىستى قىلمىستىق ءىس قوزعادى. ساكەن مامان ءوز ايەلىن ۇنەمى ۇرىپ، ازاپتادى دەگەن كۇدىككە ءىلىندى، دەپ حابارلايدى Alash.KZ ۇلتتىق پورتالى.
كارينا ماماش كتك ارناسىنا قازىرگى جاعدايىن ايتتى جانە جارىنىڭ باسسىزدىعى جايلى پىكىر ءبىلدىردى:
- مەن ءقازىر ءوزىمدى ءقاۋىپسىز سەزىنەمىن. مەنىڭ جانىمدا بالالار، انام، اپكەم بار. مەندە جاقسى جاعىنان وزگەرىستەر بار كوپتەگەن جىلدار بويى قورقىنىشپەن ءومىر ءسۇردىم. ەشقايدا بارمادىم. ونىڭ كەيبىر تۋىستارى مەنىڭ قينالىپ جۇرگەنىمدى ءبىلدى. جيەنى مەنىڭ مۇرنىمدى تىگۋ ءۇشىن اۋرۋحاناعا اپاردى. ارينە، ولار مەنىڭ ارتىق ەشتەڭە ايتپاۋىمدى باقىلاپ وتىردى. مەن كەتەمىن دەپ ايتقان جوقپىن. مەن ءىستىڭ ناسىرعا شاپقانىن ايتىپ، وعان ەسكەرتۋ جاسادىم. "ەگەر ءسىز مەنى ۇرۋدى توقتاتپاساڭىز، ءسىزدى تۇرمەگە وتىرعىزادى" دەدىم. ول كۇلدى دە، "ماعان پوفيگ" دەدى، - دەپ ايتتى كارينا ماماش.
ەسكە سالا كەتەيىك، وسىدان بىرنەشە كۇن بۇرىن قازاقستاندىق ايەل باا-دەگى ەلشىلىكتە كەڭەسشى بولىپ ىستەيتىن كۇيەۋى اپكەسى ەكەۋىن ۇردى دەپ ايىپتاعان بولاتىن.
"10 جىل بويى ول مەنى زورلاپ، ۇرىپ-سوعىپ كەلەدى. ماعان جانە ونىڭ قاسىنداعى بالالارىما دا ءقاۋىپ ءتونىپ تۇر. مەن مەملەكەتىمىزدەن كومەك سۇرايمىن"، - دەيدى ايەل ۆيدەودا.
سول كۇنى سىرتقى ىستەر مينيسترلىگىنىڭ وكىلى بۇل قىزمەتكەر شۇعىل تۇردە قازاقستانعا شاقىرتىلعانىن، ەندى ونىڭ ىسىمەن قۇقىق قورعاۋ ورگاندارى اينالىساتىنىن مالىمدەدى. ال 9 مامىردا قازاقستاننىڭ بىرىككەن اراب امىرلىكتەرىندەگى (ءباا) ەلشىسىنىڭ كەڭەسشىسى ساكەن ماماشتىڭ ايەلى كارينا ماماش استاناداعى داعدارىس ورتالىعىنا ورنالاسقان بولاتىن.
