ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقتار امەريكالىق تانىمال رەپەر Snoop Dogg-قا شاپان جاپتى

11 مامىر 2024 391

Keshyou توبىنىڭ قىزدارى الەمگە ايگىلى امەريكالىق رەپەرمەن شىعارماشىلىق بايلانىس ورناتىپ، ءان جازدى. ولار رەپەردى قۇرمەتتەپ شاپان جاپتى، دەپ حابارلايدى Alash.KZ ۇلتتىق پورتالى. 

ولار Instagram جەلىسىندە «قازاقتار سنۋپ دوگتى قازاقتىڭ ۇلتتىق كيىمىمەن تانىستىردى» دەگەن جازبا قالدىرعان.

ال، تانىمال قازاقستاندىق پروديۋسەر بايان الاگوزوۆا قۋانىشتى جاڭالىعىمەن ءبولىستى. ول ءوزىنىڭ Instagram-داعى پاراقشاسىندا امەريكالىق تانىمال رەپەر Snoop Dogg-تىڭ قازاقستاندىق KeshYOU توبىمەن بىرگە بەينەبايان تۇسىرگەنىن ايتىپ، جازبا جاريالادى. 

«قىزىعۋشىلىقتى سوڭىنا دەيىن قالدىرعىمىز كەلگەن، ءبىراق Snoop Dogg مۇنى ءبىز ءۇشىن جاسادى. سنۋپي، سەن اڭىز ادامسىڭ! مەنىڭ قۇرمەتتى وقىرماندارىم، سىزدەردەن ءلۇپىل (لايك) باسۋدى، ارينە ءبىزدىڭ تۋىمىزدى قالدىرۋدى سۇرايمىن. الەم ءبىزدىڭ قىزدارىمىزدى تانۋى كەرەك، ولار شىنىمەن كەرەمەت ەمەس پە؟!!! ايدا، قىمباتتى قۇربىم، سنۋپقا سەنىڭ شاپانىڭ مەن باس كيىمىڭ ۇنادى جانە ونى ۆيدەودا ماڭگى ەستە قالدىردى»، - دەدى ەلگە تانىمال پروديۋسەر. 

مۇنىمەن قوسا، قازاقتىڭ ۇلتتىق ناقىشتاعى شاپانىن كيگەن امەريكالىق رەپەر الەۋمەتتىك جەلىدەگى جەكە پاراقشاسىندا فوتوسۋرەت ءبولىسىپ، ەلدىڭ نازارىن بىردەن وزىنە اۋداردى.

بۇل ماقالا تۋرالى نە ويلايسىز؟