ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

كولىكتىڭ نارىقتىق باعاسىنا 6 كۇندە 600 مىڭ تەڭگە قوسىلدى

04 ناۋرىز 2022 77


2 جىل بۇرىنعى باعامەن سالىستىرعاندا اۆتوسالوندارداعى جاڭا كولىكتەر 5-6 ميللليون تەڭگەگە قىمباتتاسا، ەسكى كولىكتەر قۇنى 2 ەسە وسكەن.








دوللاردىڭ كۇننەن-كۇنگە قىمباتتاۋى قازاقستانداعى كولىك باعاسىنا دا كەرى اسەرىن تيگىزىپ جاتىر. اينالدىرعان التى كۇندە جاڭا كولىكتەرگە 500-600 مىڭ تەڭگە قوسىلعان. جۇرىلگەن ماشينالاردىڭ دا قۇنى ءماز ەمەس. باعاسى 400-500 مىڭ تەڭگەگە شارىقتاپ شىعا كەلدى، دەپ حابارلادى 31 ارنانىڭ ينفورمبيۋرو اقپاراتتىق باعدارلاماسى.



ساراپشىلار وسىدان 2 جىل بۇرىنعى نارىقتىڭ ءقازىر كۇرت قۇبىلعانىن ايتىپ وتىر. ماسەلەن، اۆتوسالوندارداعى جاڭا كولىكتەردىڭ باعاسى بۇگىندە 5-6 ميللليون تەڭگەگە قىمباتتاسا، ەسكى اۆتوموبيلدەر 2 ەسە وسكەن.

كولىك ساتۋشى مەنەدجەرلەر جاڭا ماشينالاردىڭ باعاسىنىڭ بۇلاي كۇرت كوتەرىلۋىنە، اۆتووندىرۋشىلەردىڭ باعانى قازىرگى نارىققا قاراي كوتەرۋى سەبەپ ەكەنىن ايتىپ وتىر. وعان قوسا، دوللار قۇنىنىڭ ارتۋى دا باعاعا كەرى اسەرىن تيگىزگەن.
"بىزگە اۆتوكولىكتەر سىرتتان – رەسەي، جاپونيا ەلدەرىنەن كەلەدى. ال بۇل مەملەكەتتەردە جىل باسىندا كولىك باعاسى كوتەرىلدى. وعان قوسا اقش ۆاليۋتاسىنىڭ كۋرسى ءقازىر تۇراقسىز بولىپ تۇر. ءبىز كولىكتى دوللارعا ساتىپ الاتىندىقتان، قازاقستاندا دا باعا ءوسىپ جاتىر"، – دەيدى اۆتوسالوننىڭ اعا مەنەدجەرى ءسابيت ەگەمبايەۆ.

كولىك قۇنىنىڭ قىمباتتاۋى سەبەپتى ساتىپ الۋشىلاردىڭ دا قاتارى سيرەي باستاعان.
"ىشكى نارىقتاعى كولىك باعاسىنىڭ قىمباتتاۋىنىڭ ءبىرىنشى سەبەبى شەتەلدەن كەلەتىن قوسالقى بولشەكتەردىڭ قىمباتتاۋى بولسا، ەكىنشىدەن، جاڭا كولىكتەردىڭ باعاسىنىڭ وسۋىنەن ەكىنشى نارىقتا دا باعا ارتىپ جاتىر. مىسالى، 12-13 ميلليون تەڭگە تۇراتىن ماشينالاردىڭ باعاسى ءقازىر 15 ميلليون تەڭگەگە جەتتى"، – دەيدى اۆتوساراپشى حۋرشيد رايموۆ.



بۇل ماقالا تۋرالى نە ويلايسىز؟